[A:108]'don par brtson ldan tshig don drug pa gsum gyi lhag bcas lha yi lhas/ /dregs pa de dag gang gis rjes bzung drang srong mchog des bdag blo dri ma bkru bar mdzod/ /slob 'dod slob ma'i bslab gzhi byed pa yi/ /'byung gnas ston pa nyid bzhin ston mdzad cing / /bstan la bstan pa'i bya ba legs bsgrubs pa/ /brtul zhugs grub pa khyed la bdag skyabs mchi/ /rgyal ba'i gsung rab ma lus rgyal sras kyis/ /bsten mdzad rgyal ba rgya mtsho bskrun pa'i yul/ /rgyal ba'i dgongs pa phyogs las rnam rgyal ba/ /rgyal mdzad rgyal gnyis mchog la bdag gsol 'debs/ /'gro rnams mgu byed mi bzad stobs ldan ma lus gtsug gis zhabs kyi rdul la rtag mchod pa/ /bcom ldan dus dgra khro dang rgyal po'i ror ldan 'jigs pa'i bzhad sgra dang bcas gang dag gis/ /rten 'byung lam mchog rnam grol dri med rmad byung seng ge'i sgra dbyangs rgyun du sgrogs pa de/ /rtsod pa'i chu klung lta ba'i tshal ldan srid zhi'i bsti gnas myur 'jug de dag bzlog phyir brtson/ /ston pa mtshungs med skye dgu'i rtsa lag nyin mor byed pa khyod kyi gzhung / /byed pa dpag yas gsung rab dri med 'od zer stong gi gzi brjid can/ /phas rgol lta ngan thibs po'i dra ba las rgyal rnam dag bslab gsum gyi/ /shugs ldan shing rtas shes bya'i mkha' la kun du spyod de rtag par rgyal/ /khron pas cher mgu rus pa'i gos can me khyer yungs 'bru'i mkha' dang phra rdul gyis/ /nye 'khor mdongs dang rgya khyon lhun stug tshad las chu gter padmo'i gnyen dang mkha'/ /lhun po rjes dpog de bzhin khyed ky-i mkhyen pa zab yangs mtsho chen pa/ /bdag blo'i snyim pa gting mtha'i rjes 'gro don gnyer brtson pa 'di las smad ci mchis/ /'di na spyod pa dang ldan pa dag ma lus pa'i yon tan rin po che'i gter 'dzin pa de'i dri ma med pa'i mkhyen rab dang / rnam par thar pa bsam gyis mi khyab mod khyed kyis