[A:80]lugs dang / rgyal sras thogs med kyi rgyas pa'i bstan bcos byang chub sems dpa'i sa dang / bsdus pa sdom rnam pa gnyis phra mo dang bcas pa dang / slob dpon 'phags pa klu sgrub kyi theg pa chen po dbu ma'i gzhung la/ rigs pa gsal bar ston pa dbu ma'i rtsa ba shes rab la sogs pa rigs pa'i tshogs dang / lung gi don nges par byed pa bstod pa'i tshogs dang bcas pa dang / dpal ldan chos kyi grags pa'i gzhung tshad ma rnam par nges pa dang / rigs pa'i thigs pa dang / de'i 'grel pa bam po lnga pa dang / slob dpon chen po blo gros mi zad pa'i gzhung rnam pa gsum la sogs pa dang / dri ma med pa'i bka' dang / bstan bcos mtha' dag thugs su chud par mdzad nas gzhan rjes su 'dzin pa la brtson pa can no/ /de'i mkhyen pa dang / brtse ba dang / grub pa'i yon tan dang / rnam par thar pa rgya mtsho lta bu bdag gi bla ma chos kyi rgyal po des phyogs gcig tu mdzad pa yod pas der rtogs par bya'o/ /de lta bu'i sku gsung thugs kyi sras su sku bltams pa nged kyi bla ma dpal brtse ba chen po dang ldan pa tshangs par spyod pa dri ma med pa'i rgyan gyis spras pa rgyal mtshan gyi zhabs can yin te/ srid pa gsum gyi rnam par 'dren pa bla na med pa 'di ni dge ba'i bshes gnyen byon zin pa de dag gi mkhyen pa la sogs pa ji snyed mnga' ba bsngags par 'os pa nyid kyis mngon du mdzad pa nyid yongs su dag pa'i me long la gzugs brnyan shar ba ltar bzung zhing rtogs te kun chub par mdzad nas/ sprul pa mchog gi rnam pa 'ga' zhig dang / bcom ldan 'das 'jam pa'i dbyangs dang / rje btsun khro bo'i rgyal po mi g.yo ba la sogs pa rgyal ba sras dang bcas pa du ma dang / rje btsun rnal 'byor gyi dbang phyug rmad du byung ba'i spyod yul la mnga' 'byor pa 'ga' zhig las dngos su gdams pa nos shing de dag gi gzhung lugs shin tu zab pa dang / rgya che ba 'ga' zhig