[A:81]'bad pa ma mdzad par thugs la gsal bar byon pa la sogs pa phul du byung ba'i rtogs pa brjod pa bsam gyis mi khyab pa zhig mnga' ba yin te/ chos kyi rje 'di'i rnam par thar pa la sogs pa phal mo che gsal bar bkod pa'i yi ge kho bo'i mkhan po bcom ldan 'das 'jam pa'i dbyangs mi rnams kyi bla mar bsten pa des mdzad zin pas de nyid du gus pas blang bar bya'o/ /de lta bu de'i chos kyi rgyal mtshan chen por mngon par dbang bskur ba ni/ bu ram shing pa'i gdung rgyud ltar lham me lhan ne/ lhang nge bar gyur pa gang yin pa 'di ni/ bdag cag gi ston pa yon tan rin po che ma lus pa'i mdzod dang / sku byad lta bas chog mi shes pa'i dpag bsam/ blang dor gyi bye brag kun nas 'byed pa'i ye shes kyi nyi ma/ phas kyi rgol ba glang po che'i spyi gtsug gnon pa'i seng ge /slob ma'i skye bo dgos 'dod rin po che'i gling du phyin par byed pa'i ded dpon dam par gyur pa ste/ 'di'i rang bzhin dang rnam par thar pa dri ma med pa rgya mtsho lta bu las de'i cha shas tsam zhig bsdus te gsal bar brjod par bya yi nyon cig dang thos pa nyid nas don du 'gyur ro/ /de ci'i phyir zhe na/ 'jig rten na rigs thams cad kyi bla mar gyur pa shAkya rnams kyi skyes pa'i rabs bzung zhing kun chub par byas nas gzhan la rgya cher bsnyad na chos dang mthun zhing bsod nams kyi phung po dpag tu med pa 'byung la yon tan bsam gyis mi khyab pa 'phel bar byed do zhes bde bar gshegs pa nyid kyis dri ma med pa'i mdo sde dag las mngon sum du gsungs pas na de brjod par bya zhes/ bdag cag gi bla ma dpal brtse ba chen po dang ldan pa yang srid pa snga ma'i phrin las la brten nas sgrib pa mi mnga' ba gang yin pa des gsungs pa gsal bar thos pa'i phyir dang / rin po che'i phung po mdo las kyang / 'od srungs 'di lta ste dper na/ rgya mtsho'i nang du gru zhig na/ gang dag shing leb bam