[A:301] 'tsham pa dang / tshig gi rgyan rnam par sna tshogs du mas spras shing / skye bo thams cad kyi lus dang sems rtas par byed pa dang / rna ba dang sny-ing mngon par 'phrogs pa'i ngag mi las 'das pa 'phags pa'i dbyangs phun sum tshogs pas skabs kyi don gsal bar brda sprad pa na/ de'i tshe 'dus shing tshogs pa'i chos smra ba'i skyes bu chen po stong phrag du ma/ ngur smrig 'dzin pa'i tshogs sde snod 'dzin pa dang bcas pa skye dgu thams cad ngo mtshar bar gyur te/ a la la 'di lta bu'i na tshod gzhon nu la 'di lta bu'i yon tan phun sum tshogs pa mnga' ba 'di ni nges par 'phags pa ste/ 'phags pa'i mchog 'di la phyag 'tshal lo zhes brjod cing sgrogs par gyur te/ de'i tshe snyan pa'i grags pas phyogs kyi tha gru thams cad khyab par gyur to/ /de tshe phyogs bzhir 'gro ba'i skye bo rnams/ /'phags pa'i yon tan kho na rjes dran pas/ /gtam gzhan gleng ba'i go skabs med pa bzhin/ /'di yi yon tan kho na sgrogs par gyur/ /de nas dgung lo dgu pa la nye bar gyur pa na/ mkhyen rab kyi dbang phyug sa skya paNDi ta'i snyan pa'i ba dan phyogs kun tu g.yo bas sa chen po'i steng na gnas pa'i mi'i dbang po dbang phyug phun sum tshogs pa thams cad kyang legs par bshad pa'i bsil zer du ma 'byin pa'i zhal gyi zla ba blta bar 'dod par gyur te/ lho phyogs na rgya gar gyi rgyal po dang / nub phyogs dang shar phyogs kyi rgyal po la sogs pas gdan 'dren pa'i pho nya ba sna tshogs byung ba las/ kha ba can pa rnams la thugs rjes gzigs shing sngon gyi smon lam gyi dbang gis skye ba dpag tu med pa'i sngon rol nas yul khyad par can la bsod nams bsags pa'i rgyu mthun gyis hor gyi rgyal po ji gyim gan zhes sku 'khrungs pa de'i gdung brgyud/ rgyal srid yangs pa la mnga' byed pa'i rgyal bu go dan gyis gdan drangs te/ bdag nyid chen po 'phags pa sku mched dang