[A:304]bdag po/ mi'i bdag po go pe la'i pho brang du byon te/ theg pa gsum gyi chos kyi gtam gyis dad par byas nas/ slar yang mi'i bdag po go pe la sras dang / btsun mo dang / blon po'i tshogs dang bcas pa thams cad kyis spyi bos zhabs kyi padmo la gtugs shing / shin tu zab pa dang rgya che ba'i chos kyi sgo du ma zhus te/ bdag nyid chen po la mi phyed pa'i dad pa thob nas/ thub pa'i bstan pa rin po che'i rtsa lag gcig pur gyur to/ /de nas rgyal po chen po de rgyal ba'i bstan pa'i rtsa lag dam par gyur pa chos kyi rgyal por gyur nas/ chos bzhin rgyal srid skyong zhing / sa'i steng na gnas pa'i 'gro ba gang zhig sngon chad dam pa'i chos dang / sangs rgyas kyi mtshan ma grags pa rnams su yang / dam pa'i chos kyi tshul chen po dar bar mdzad de/ rgyal po chen po de'i chab 'og na gnas pa'i skad rigs mi gcig pa du ma la bdag nyid chen po 'dis theg pa gsum gyi chos kyi char chen po phab nas bla na med pa'i byang chub tu nges par mdzad cing / gdul bya skal ba dang ldan pa bgrang ba las 'das pa ni rdo rje theg par dbang bskur nas smin cing grol bar mdzad de/ bdag nyid chen po 'di'i zhal nas/ skad rigs mi gcig pa bcu bzhi la dbang bskur ba mdzad ces gsungs pa yin no/ /de ltar skad rigs mi gcig pa du ma la chos kyi brda dang / tha snyad du mas gsal bar mdzad cing / khyad par du mi'i dbang po go pe la'i gsung gis rgya nag la sogs pa rnams la rang rang gi yi ge yod pa bzhin du nged hor rnams la yang nged rang gi skad kyis bklags pas chog pa'i yi ge mdzad par zhu zhes bskul na sngon chad hor rnams la yi ge med pa la/ bdag nyid chen po 'dis yi ge khyad par du 'phags pa mdzad pa yin no/ /des na 'di ni mngon par sdud pa po rnams kyi rnam par rol pas sems can gyi don mdzad pa yin te/ dus kyi 'khor lo'i 'grel pa dri ma med pa'i 'od las/ yul gang du yi ge dang