[A:329]chen po dang bcas pas zhabs 'bring byas shing / rim gyis gdan sa chen por byon pa'i lam rnams su mi dang mi ma yin pa'i 'gro bas shin tu 'byor pa du mas bsu ba dang / skyel ba dang / mchod pa dang / bsnyen bkur ba'i khyad par dpag tu med pa dang / bgrod dka' ba'i chu bo rnams la yang / mi dang mi ma yin pa thams cad kyis zam pa 'dzugs pa la sogs pa dang / mthong ba dang thos pa thams cad kyang ba spu'i tshogs kun nas ldang zhing mchi ma g.yo bar byed pa/ ngo mtshar ba'i khyad par dpag tu med pa byung zhing / de dag so so'i bsam pa dang / khams dang mthun par dam pa'i chos du ma bstan nas smin cing grol bar mdzad de/ byi ba'i lo la ngo mtshar ba'i ltas du ma dang bcas pas gdan sa chen por chag phebs pa yin no/ /de ltar bdag nyid chen po 'di nyi ma'i dkyil 'khor 'od zer gyi dra bas bskor ba'am/ zla ba rgyu skar gyis bskor ba'am/ de bzhin gshegs pa slob ma'i tshogs kyis bskor ba ltar phun sum tshogs pa chen pos gdan sa chen por chag phebs pa'i mod la/ dbus gtsang na bzhugs pa'i dge ba'i bshes gnyen chen po chos don du gnyer ba slob ma'i tshogs dang bcas pa dang / mi chen po du ma 'dus shing / rgya gar dang / kha chen la sogs pa nas kyang 'di'i snyan pas paNDi ta du ma byung la/ de dag thams cad kyis rang rang gi ji ltar 'byor pa'i mchod pa dang / bsnyen bkur rgya chen po byas shing dge ba'i rtsa ba du ma bskyed nas dam pa'i chos gsung bar gsol ba btab cing / bdag nyid chen po 'dis kyang / chos kyi rje nyid la mnga' ba'i dbang dang byin rlabs kyi bka' du ma dang / bshad pa'i srol du ma dang / man ngag gi skor phra zhing phra ba thams cad kyang nga la legs par yod pa yin pas/ khyed rang so so gang la mos pa'i chos thams cad da lta nga la zhus shig gsungs nas/ shin tu zab pa dang rgya che ba'i chos kyi sgo bgrang ba las 'das