[A:298]gnyis ngo shes sam dris pas/ gzhon nu des gsungs pa/ shes te khyod ni nga'i slob ma 'di zhes bya'o zhes gsungs pa dang / de dag gis kyang rang gi bla ma yin par shes te/ dad pa'i stobs kyis mchi ma lhung zhing / lus thams cad kyis btud nas phyag byas pa la sogs pa dang / gzhan yang bla ma dam pa chos kyi rje dang / bdag nyid chen po 'di skyid grong du byon pa'i tshe/ gung thang gi dge ba'i bshes gnyen dge 'dun dang bcas pa rnams kyis bsu ba dang / mjal phrad la sogs pa rgya cher mdzad nas/ so sor 'gro ba'i tshe glang ri thang pa'i dge 'dun rnams kyis 'phags pa'i drung du mjal du 'ongs pa las/ de'i nang nas btsun pa bgres po cig la 'phags pas gzigs nas nga'i nye gnas bkra shis grub byung gsungs pas/ btsun pa bgres po des kyang rang gi bla ma yin par shes nas/ nga'i bla ma zhes zhabs la 'jus nas ngus pa la sogs pa rgyu mtshan du ma'i sgo nas tshad ma yin/ de ltar 'di ni sngon gyi gnas du ma dran pa'i mngon par shes pa rgya chen po dang ldan pa'o zhes shes par bya'o/ /gzhan yang rgya gar dang bod la sogs pa'i yi ge mi 'dra ba du ma dang / rtsis dang / bzo'i gnas du ma dang / legs par sbyar ba'i skad dang / sgra dang tshad ma'i bstan bcos du ma dang / sdeb sbyor gyi bstan bcos du ma dang / rgyan dang / mngon brjod dang / gso ba rig pa la sogs pa du ma dang / zab pa dang rgya che ba'i chos kyi tshul du ma dag kyang ma bslabs par rang gis mngon par shes pas mngon sum du mdzad pa yin te/ gzhon nu de paNDi ta rnams dang legs par sbyar ba'i skad kyis 'bel gtam gsung zhing / rgya gar gyi yi ge du ma shin tu myur bar 'dri ba 'ga' zhig gis mthong nas shin tu ngo mtshar bar gyur te/ bla ma chos kyi rje la 'phags pa 'dis rgya gar gyi skad dang yi ge 'di lta bu ji tsam nas mkhyen pa