[A:355]po/ /mi chen dad 'byor ldan pa yis/ /mang ja gser dang gos dar sogs/ /phul nas gsol btab lan gsum mthar/ /gsung ngag 'byon pa'i zhal bzhes byung / /sa skya snar thang khro phu dang / /brag ram la stod byang gi cha'i/ /bshes gnyen mang du 'dus pa la/ /gsung ngag gzhung khrid bcas pa dang / dbang dang byin rlabs ci rigs gnang / /rjes la bdag cag dpon slob gsum/ /mi nyag gcig dang bzhi po la/ /lhag ma rnams kyang rdzogs par gnang / /seng ge lung pa'i mkhan po yis/ /zhus dang rdzogs pa lan gnyis thob/ /bka' lung zhu rgyu mang 'dug kyang / /ma zhus de lo'ang bril nas bsgom/ /byi lo'i dgun ngo rten 'brel zhus/ /sngar gyi rtsol ba'i mthu stobs kyis/ /bsgom nyams 'char sgo tshad med byung / /de rjes dpon med g.yog med kyi/ /lung stong cig tu lo gsum bsgoms/ /rje la rtogs tshad 'bul snyam nas/ /dgon pa nas thog mar sa skyar phyin/ sgro 'dogs chod/ chig rkya pher/ 'dod pa grub/ gdams ngag la rtsal 'don pa'i go cha gyon pa'i skabs so/ /de'i dus brgyags med pas dbyar sa skyar thogs ston so sa skya'i slob dpon la gong ma'i gdan 'dren byung / dpal skyes dben shrIs bzung / gong du 'byon dgos byung / bla ma bdag chen pas dbu mdzad/ gdan sa'i gros pas zhu 'bul byas nas lo dgu gdan sa bzung / rigs gra'i mgo byas rnam 'grel rigs gter lo re la tshar brgyad brgyad bshad/ phar phyin/ 'dul ba/ spyod 'jug la sogs 'dod pa'ang byung / bshad kyang shod par yod/ grwa pa'ang mang bar 'dug ste/ grwa pa mang dus brgya lhag /nyung dus nyi shu bas nyung ba ma byung na'ang / nam zhig thon na 'gro snyam pa'i 'gro rtsis las med pas ma bshad/ brtag gnyis der zur chos med pa'i bshad sar ring bas/ dbon po 'dra la chos bar dang nang du tshar 'ga' bshad/ /bdag rang 'gro 'dod pas bla ma'i dbon po gdan sar 'jog pa