[A:454]gsum de bas kyang thag ring ba gcig tu phyin nas sgom byas pa la/ stabs gcig gis gnyis dbus su btang dgos pa byung / nged gsum gyis byang du phyin/ rtse po ri gdong la ri mo bris rtog pa sna re ma skyes par la 'di man chad mi 'da' ba'i dam bcas nas phyin/ lam du bar zhag bcu tsam byas/ dgon par slebs pa'i nyin tshes brgyad yin/ de'i tshes gcig nas zla ba'i 'di nang du su dang mi mjal bar yod pas/ bsgug khom na mi khom na tshes nas byon zer/ der bsgug par zhus pas/ song gdan gyi dus su shog gsung / mjal kha dang zhu don ci dgos 'grub/ /zhal mthong ba tsam gyis mos pa skyes/ /gsung thos dri bsdur byas pa yis/ /grub thob cig gi nges shes skyes/ /lam dka' ba spyad pa don can song / /dus de nas bzung nas lo gnyis bar/ /nyin mtshan rgyun bar sgom la dril/ mang po'i thob 'dod ngas ma zhus/ /nyams khrid chig gril gyi gdams pa zhus/ /snod rung du mkhyen nas lhug par gnang / /nyin mtshan ma chad lo gcig bsgoms/ /zug gzer gang cher sgom rtsol skyed/ /'di ngang la shi na'ang mtshams sbyor bzang / /rkyen kha ru mi 'gro ba'i bla ma yod/ /gegs mngon gyur can zhu snyam rtsol bskyed pas/ /bde 'phro la sdug la sdug 'phro la bde/ /res 'ga' dga' la res 'ga' skyo/ /phal cher zhag re rtag mi thub/ /btud mar ma bde tshabs che ba/ /zhag bdun khyod mtha' ci 'dug brtag /de rjes drung du zhu snyam na/ /zhag drug lon nas khyod mtha' zad/ /phal cher yon tan gyi sna 'dren du shes/ /skyon sel gyi gdams ngag zhu rgyu med/ /dben pa grol nas bla ma'i drung / /skye bos dben par 'char sgo rnams/ /nyin rangs zhus pas re re nas/ /rtsa rlung thig le yi ge yi/ /'du 'phrod bsgoms pa'i yon tan du/ /ngo sprod nges thob sgro 'dogs chod/ /dbang dang bka' lung byin rlabs rnams/ /rdzogs par gnang ba'i zhal bzhes rnams/ /zhu mi ngo chen ma byung na/ /bdag la zhu ba'i sbyor spobs med/ /smon pa grub nas zhu ba