[A:351]tsam la brten/ bza' rgyu cung zad byung ba'i tshe yang bsri se byas pas sems la mi bde ba cung zad kyang med/ blun po 'byor pas dregs pa'i brnyas thabs dang / ci yang mi ster yang khyed kyang 'o brgyal zhes snying rje go log bsgom pa 'dra sems la gzan par byung / dbyar thog cig zla ba lnga la khal gnyis zos nas ri khrod stong pa cig tu 'jigs byed la bsnyen pa byas pas rtag tu dge sbyor bogs che la skyid du tshor ba byung / mdor na nyi shu rtsa gsum nas bzhi bcu ngo mthong bar grwa sa 'grim pa'i go cha gyon/ lo gsum gnas kyi slob dpon ci gsung bsgrubs shing slob gnyer byas/ de rjes slob dpon khams su gshegs/ bdag la'ang 'dong zer te ma nyan te bsdad/ de rjes dpon med g.yog med chig tshugs bzung zhing / gzhan dang ma 'dres thos bsam la/ /'bad snyam rang tshugs bzung bsdad pas/ /chos spyod btsun tshugs srol 'dzin pa'i/ /grogs po chos mthun 'ga' yod pas/ /khyod kyis mgo 'dren ma byas na/ /mis 'phya chos spyod rtsa ba stong / /phan yon nyes dmigs legs bsam zer/ ma phod lo shas dbu mdzad byas/ /dge slong bzhi sde yan chod nas/ /mang na sum cu man chad tshogs/ /gnas 'dir sdod nas dge bshes nas/ /btsun chung gsar pa yan chod kyi/ /nyin zhag phrugs gcig chos spyod rim/ /zhogs par khrus dang yan lag bdun/ /gtor ma rang rang gang byed kyi/ mal sar slob gnyer la sogs pa/ /rang rang gzhung lugs 'bad pa dang / /nyin par nyan bshad rgyun gtor sogs/ /srod la skyabs 'gro mdo sgrub sogs/ /maNDal bzhi pa'i gsol 'debs rnams/ /rgyun gyi chos spyod chags med yin/ /gso sbyong dbyar gnas dgag dbye dang / /chos sgang slob gnyer gtso bo la/ /chos spyod zhar byung chos bar la/ /sman bla rgyal 'joms la sogs pa/ /chos spyod gtso cher slob gnyer kyang / /ci 'grub byed pa nang khrims yin/ /dge bshes kyi ra bar ma zhugs kyang / /mkhan