[A:352]drung rab byung bsnyen rdzogs pa/ /mang du byung ba'i grogs ldan dang / /so thar la sogs bslab bya rnams/ /slob dgos rim pa bar ma chad/ /byung ba dmigs rnams byed par bslabs/ /de lta'i chos lugs lo bdun bskyangs/ /de rjes snar thang zla gcig bsdad/ /de rjes dpal ldan sa skyar phyin/ /bya bral ngang nas thos pa dang / /bsam sgom gyi bya ba 'grub tshad byas/ /su dang 'gras 'dris med pa yis/ /rang dga'i spyod pas bde bar byung / /grwa sa 'grim pa'i rim pa la/ /'dul ba lung dang mdo rtsa'i slob gnyer lhag ma la tshogs pa'i gseb tu lo gcig /mdzod bla ma 'brel la nyan/ gnam phying dkar du mngon pa kun las btus dang phar phyin gnyis bcom ldan pa'i TI ka /jo bo'i chos 'byung brgya rtsa/ brgyad stong don bsdus la sogs pa mnyan pa la dbyar gzhung gcig /bla ma mal lo tsA ba'i drung du/ dus kyi 'khor lo'i 'grel pa skor gsum cha lag dang bcas pa/ rdo rje phreng ba lan gnyis/ sbyor drug rigs kyi 'jig rten mgon po'i rtogs pa lnga bcu pa byin rlabs dang bcas pa dang / gzhan mang du zhus/ btsas ma nas yur ma'i bar gung thang tshes bcu nas grwa skor dang gsang phu'i grwa skor/ rjes phar phyin 'od zer mgon po'i TI ka dang / spyod 'jug kha rag pa'i TI ka dang bcas pa nyan pa la zla ba gnyis/ gzhan yang bar skabs la 'jam dbyangs rdzogs pa la zhi byed so lugs ma'i gcod skor la sogs pa la zla ba gnyis tsam/ brag tu bla ma mkhan shag pa la do pa'i gcod skor gsum la sogs pa chos phal cher dang / rdo la sogs pa'i dka' thub kyi rigs rnams zhus pa'i dus ma gtogs par sngar gyi grwa sa dang / sa skya kho nar gtso cher bsdad/ gye rer bla ma sgang ston la lam 'bras/ nag 'jigs la sogs zla ba phyed dang gnyis/ nyan po dang la stod byang gi char lo gnyis bsdad/ la stod byang du slob dpon rin po che 'od zer la zhi byed skam lugs cha lag dang bcas pa tshang mar zhus/ snar thang du slob dpon byang