[A:365]thugs dam/ gzhan don gyis dus 'da' bas go cha dang sbyor ba'i brtson 'grus phul du phyin pa mnga' ste/ nyin par phal cher bskyed rdzogs kyi ting nge 'dzin kho na lhur len cing / mtshan mo'i cha la phal cher gnyid la sogs pa don med kyi dus 'da' ba las mi 'dug pa la dgongs nas/ chos gsung ba dang / mgron skyong la sogs pa gzhan don rnams kyis mtshan mo'i dus 'da' bar mdzad pas zhabs tog shin tu dka' gsung ste/ chos rje brag phug pa de nyid bla ma dam pa de nyid kyi snag dbon yin pas chung ngu na zhabs tog la khrid/ bde bar gshegs kyi bar la nye gnas mdzad/ mgron skyong tsho nub mo mdzad pas ja 'dren pa de shin tu dka' mo cig yod gsungs/ bskyed rdzogs kyi ting nge 'dzin brtan po mnga'/ bsams na shes pa'i mngon par shes pa mnga' bas ma 'ongs pa lung ston pa la sogs pa yod gsung / gzhan don mdzad nas ji ltar 'phel tshul ni/ dbus kyi dga' ldan du yun ring du bzhugs/ 'gro don yang chen po byung / gdul bya dpag tu med pa smin grol gyi lam la bkod de/ khyad par du chos rje brag phug pa nyid gdul bya mchog tu gyur pa'i las can du gzigs nas/ rten 'brel phun sum tshogs pa bsgrig pa'i phyir/ yun ring du zhabs tog la dka' ba spyod du bcug ste/ zhabs tog shin tu dka' ba ltar ston pa dang / bka' bkyon dang zhal nyod shin tu che ba/ khyad par du dang po chos sngon ma zhus dus ye gnang du ma 'dod/ dge bshes dang chos zhu ba mang po'i zhor byung ba rnams la yang / bdag la yang thugs rjes 'dzin par zhu byas kyin mchod g.yog kyang byed dgos kyin yod pas/ gseb tu zhugs kyang bu tsha khyod ci byed gsung gin ye gnang du ma 'dod pas zhuu ma nus par kho thag bcad pa las med pa la/ dus phyis bla ma dga' ldan pa kun bsod la sogs pa dang / dbus gtsang gi dge ba'i bshes gnyen bu chen bla ma mnyes po thugs zin mang rab