[A:407]དཔོན་དོན་གྲུབ་རྒྱལ་མཚན་ལ་རྒྱ་མ་སི་ཏུསེ་ཏུ་ཞེས་གྲགས། དེའི་སྲས་བར་པ་རྡོ་རྗེ་སྙིང་པོ་ཞེས་པ། རྗེ་བླ་མས་མཚན་དུ་བཏགས་པ་དེ་ལ། སྲས་དགེ་བའི་བཤེས་གཉེན་རི་རབ་ལྟ་བུར་གྱུར་པ་གཉིས་དང། ཁྱིམ་པའི་བྱང་ཆུབ་སེམས་དཔའ་གསུམ་སྟེ། ལྔ་ཚར་ཞིག་བྱོན་པ་ལས། བར་པ་དྲུང་དགེ་སློང་ནམ་མཁའ་མཆོག་གྲགས་ཞེས། ཐེག་ཆེན་ཆོས་ཀྱི་རྒྱལ་པོས་མཚན་དུ་བཏགས་པ་དེ་དང། ཡུམ་དཔལ་མཆོག་མཚོ་མོ་ཞེས་བྱ་བ། སྒྱེར་གྱི་གདུང་འཛིན་ཆེན་པོ་རིན་ཆེན་བཟད?བཟང་པོའི་སྲས། གཞིས་ཁ་བསམ་འགྲུབ་རྶཏེའི་རྫོང་དཔོན་དཔལ་ལྡན་ཆོས་སྐྱོང་གི་སྲས་སུ་གྱུར་པ་སྟེ། ཡབ་དང་ཡུམ་དེ་གཉིས་ལས་སྲས་དགེ་བའི་བཤེས་གཉེན་གསེར་གྱི་མཆོད་སྡོང་ལྟ་བུར་གྱུར་པ་གསུམ་པ་དང། སྡེའི་བདག་པོ་ཡུལ་ལྗོངས་པ་ཀུན་གྱིས་མ་སངས་མཆེད་གཉིས་ཞེས། བསྟོད་བཀུར་གྱི་གནས་སུ་གྱུར་པ་དག་དང། ལྔ་ཚར་ཞིག་འཁྲུངས་པ་ལས། རྗེ་འདི་ཉིད་ཤིང་ཕོ་འབྲུག་གི་ལོ་པ་vc: 1424། ཡུམ་གྱི་ལྷུམས་སུ་ཞུགས་པ་ཙམ་གྱིས། ཡབ་ཡུམ་གྱི་ཐུགས་ལ་དགའ་བདེས་ཁྱབ་པ་དང། དགུན་ཤིང་རྩི་ཁ་འབུབ་དང། མེ་ཏོག་འཆར་བ་དང། ཡུམ་གྱི་རྨི་ལམ་དུ་ཉི་མ་འཆར་བ་ལ་སོགས་པ་ལྟས་ཁྱད་པར་ཅན་གྱི་སྒོ་ནས། སྐར་མ་རྒྱལ་དང་བཅས་པའི་འགྲུབ་སྦྱོར་བཟང་པོ་ལ་འཁྲུངས་སོ༎
སྲས་འདི་བལྟམས་པ་ནས་བཟུང་སྟེ། སྤྱིར་ཡང་སྡེ་པ་འདི་ལ་ཕ་རོལ་གྱི་འཚེ་བ་མེད་པ་དང། ནང་དུ་འབྱོར་པ་འཕེལ་བ་དང། ཕྱིའི་མི་མཐུན་ཕྱོགས་གནོན་པ་དང། ལོ་ཉི་ཤུ་རྩ་གཅིག་གི་བར་དུ་ཞལ་ངོ་ལ་རྐྱེན་སྒོ་ཆོད་པ་འབྱུང་ངོ༎ ཞེས་གསུང་ངོ༎
ཁྱད་པར་དུ་ཡང་སྲས་རང་ལ་དམིགས་པའི་རྐྱེན་གོས་དང། འཚོ་བའི་རྐྱེན་གཞན་ལས་ཆེས་བཟང་བ་འབད་མེད་དུ་འབྱུང་ཞིང། དཔེར་ན་གསོལ་མར་ལ་དམིགས་པའི་འོ་མ་ཕྲུ་བ་གང་ལ་མར་ཕྲུ་བ་གང་བྱུང་བ་དང། ལན་ཅིག་བུ་རྫི་ཡེངས་པས་གཡང་ལ་ལྷུང་བ་རླུང་གིས་བཏེགས་པ་ལྟ་བུར་བྱུང་