[A:100]བཞག་པ་དེའི་འོག་ཏུ་ནུབ་པ་གཟིགས་སྐད་དོ༎
དེར་ཆེན་པོའི་གནས་ནས་རིམ་གྱིས་མཁན་པོའི་གོ་འཕང་དུ་བྱོན་པའི་ཚུལ་ཡང་དགོངས་ཤིང། སྤྱིར་གསང་ཕུ་ཚོ་ལུང་རིགས་ཀྱི་གཡེད་ཆེ་ཞིང། མཁས་པ་ཡོངས་ཀྱིས་ཕུད་དུ་འཛིན་པ་དང། གྲུབ་མཐའི་སྒོ་ཡང་རང་གཞན་མ་ལུས་པའི་གནད་ཕན་ཚུན་ནས་ལེགས་པར་གོ་ཞིང། འཏད་མི་འཐད། དག་མ་དག། ཡིན་མིན་སོགས་དབྱེ་འབྱེད་ཤེས་ཀྱང། འཕྲལ་ཁས་ལེན་རང་ངོའི་གང་བབ་ཙམ་རིགས་ངོར་སྐྱོང་བ་ལས་གཞུང་ཚུགས་པའི་སྨྲ་བ་པོ་སུ་ཡང་མེད་ཅིང། རྣམ་པ་དག་སྣང་དང་འབྲེལ་བའི་སྒོ་ནས་རང་གཞུང་བརྟུལ་ཕོད་པ་ཡང་འཛིན་རྔོ་མི་ཐོགས་པའི་ཡམ་ཡམ་དེ་རང་གིས། འཆད་ཉན་པ་རྣམས་སྐུ་ཚེ་མཐར་ཕྱིན་པའི་གནས་འཛིན་པ་ཞིག་ལ་ཡང་ཐུགས་ནོམ་ནུར་དུ་གྱུར་པ་ཅུང་ཞིག་འཁྲུངས་པའི་དབང་ལས། གནས་སྒོའི་སྐུ་ཚབ་ཏུ་ཞལ་སློབ་རིགས་པ་སྨྲ་བ་རྣམས་ཀྱི་ཐོག་མར་བྱོན་པ་ཁྲ་ཕུ་བ་སངས་རྒྱས་བཟང་པོ་བ་ལ་བཀའི་ཅོད་པཎ་དབུར་བཅིངས་ཤིང། སློབ་མའི་ཚོགས་ཀྱང་གཏན་ནས་པཎ་ཆེན་རིན་པོ་ཆེ་ཉིད་དཔོན་སློབ་ཉུང་བསྡུས་རང་ཞིག།
དེའི་དགུན་རྒྱ་མ་སང་རྒྱས་དབོན་གྱི་གནས་གང་ན་བ་དེར་ཕེབས། དེའི་གནས་ན་བཞུགས་པའི་འཕགས་པ་བཅུ་གཅིག་ཞལ་གྱི་དྲུང་དུ་སྨོན་ལམ་ཆོ་འཕྲུལ་རིང་གནང་བསཔས་། མེ་ཏོག་ཧ་ལའི་སྡོང་པོ་སྐམ་པོ་དབྱར་དུས་ཕུལ་བ་ཞིག་འདུག་པ་ལ་ཡང་མེ་ཏོག་གསར་དུ་ཁ་བྱེ་བ་སོགས་ངོ་མཚར་དཔག་ཏུ་མེད་པའི་ཆོ་འཕྲུལ་བྱུང་བ་ནི། ཕྱིས་སྔོན་རབས་རྒན་པོའི་བཞེད་གཞུང་མ་ལུས་པ་ལ་བསླབ་སྦྱངས་ཉན་བཤད་སོགས་གང་ཡང་མེད་པར་བགྲེས་པ་དེ་སླར་འཆད་ཉན་གྱི་མེ་རོ་གསོས། སྔོན་མེད་ལེགས་པར་བཤད་པའི་མེ་ཏོག་ངོ་མཚར་ཡ་མཚན་པ་དག་ཅིག་བསྐྲུན་པར་མཛད་པའི་སྔ་ལྟས་རྟེན་འབྱུང་ཡང་དག་