[A:99]རྟེན་མདངས་གསལ་ལྟ་བས་ཆོག་མི་ཤེས་པ་འོད་ཟེར་ལྔ་ལྡན་ཅིག་བྱུང་བས། བདག་ཆེན་སྐུ་མཆེད་གཉིས་པོ་སྤངས་རྟོགས་གཅུང་པོ་མཐོ་ངེས་སུ་སྣང་གསུང་བས། དད་མོས་སྐྱེས་ནས་ནཱ་ལེནྡྲར་བཀའ་འབྲེལ་ཞུ་བ་ལ་ཕྱིན་པས། ཚེས་བརྒྱད་ཀ་བཅུ་པ་སོགས་ལ་ཕྱག་ཆེན་ཡི་གེ་མེད་པའི་བྱིན་རླབས་གནང་བའི་མཆོད་བཤོམས་གྲུབ་འཕྲལ་སླེབ་ནས། ཚུལ་ཕུལ་བས་དགེས་བཞིན་གསུངས་ཤིན། བཀའ་ཆོས་ཀྱི་འབྲེལ་པ་གཞན་ནི་ཡེ་མི་གསན། ཕྱིས་ཡང་ཡང་རྡོ་རྗེ་ཕུར་པ་ས་སྐྱ་པའི་ལུགས་ཀྱི་དབང་ཞིག་གི་གསོལ་བཏབ་མཛད་ཅིང་གནང་བ་ཞལ་གྱིས་བཞེས་ཀྱང་གསན་པ་ཞིག་མ་བྱུང་ལ། བདག་ཆེན་བློ་གྲོས་རྒྱལ་མཚན་པའི་བསྟོད་པའི་མཇུག་ན། གང་ལས་ཕྱག་རྒྱ་ཆེན་པོ་མཆོག་གི་ཆོས་ཀྱི་བདུད་རྩི་ནོད་པ་སོགསvc: XVI, 254.6: rje de nyid la phyag rgya chen po mchog gi bdud rtsi nye bar blangs pa/བཀུར་ཡུལ་ལྷག་པར་བའི་ཆེད་བསྟོད་ཟུར་ཅན་ཀྱང་གནང་འདུག་གོ༎
དེར་དགུང་ལོ་བཞི་བཅུར་ཕེབས་པའི་མེ་མོ་ཕག་གི་ལོ་vc: 1467གསང་ཕུར་བཞུགས་སྐབས་དབུ་མའི་རྣམ་པར་ངེས་པརྣམ་ཐར་ངེས་པ་ཆེ་ཆུང་འདི་ནང་གི་རང་གཞན་ཤན་འབྱེད་པའི་ལུང་རིགས་དག་ལ་དགོངས་པའི་འཇུག་པ་ཡང་ཤར་བའི་དུས་གཅིག། ཐོ་རངས་ཀྱི་ཆར་གྱུར་པ་ན། རྗེ་ཉིད་ཀྱི་མདུན་གྱི་ནམ་མཁར་འཇམ་དབྱངས་དམར་སེར་ལི་ཁྲིའི་མདོག་ཅན་ལྟ་བས་ཆོག་མི་ཤེས་པ་ཅིག་གཟིགས་བྱུང་བ་ལ། བཅོམ་ལྡན་འདས་གཏུམ་པོ་དཀར་པོའི་བསྐྱེད་རིམ་གསལ་བཏབ་ནས། སྔགས་ཕྲེང་སྐོར་ཙམ་སོང་རྗེས། མཐར་གྱིས་དེ་ཀརྨ་པའི་ཆ་བྱད་ཅན་ཞིག་ཏུ་འགྱུར་བྱུང་རྗེས། སླར་ཡང་ཏིང་ངེ་འཛིན་དེ་དྲག་ཏུ་གནང་བས། གཞན་གཞུང་ཁས་ལེན་གྱི་ཕྱོགས་སྔ་མའི་དགེ་བའི་བཤེས་གཉེན་གྱི་གཟུགས་འཆང་བའི་ངུར་སྨྲིག་གོས་ཅན་ཞི་ཞིང་དུལ་བ་ཞིག་གི་རྣམ་པར་བསྟན་ནས། མཐར་ཇེ་དམའ་ཇེ་དམར་གྱུར་ནས་གསང་ཕུའི་ཕ་བོང་རུས་སྦལ་དུ་ཐ་སྙད་