[A:102]བདུད་དཔུང་ལས་རྒྱལ་རྒྱལ་བའི་སྲས་ཁྱོད་ནི༎
མི་འཇིགས་གདོང་ལྔ་ལྔ་རྩེན་ཁྲིར་འཁོད་དེ༎
ཕྱོགས་བཅུར་རབ་གྲགས་གྲགས་པའི་རྔ་ཆེན་དག༎
འབད་པ་མེད་བཞིན་བཞིན་བཟང་ཡོངས་ཀྱིས་བསྐུལ༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། ངོ་མཚར་གྱི་དུམ་བུ་འགའ་ཞིག་ལས་བསྒྲགས་པའི་རབ་ཏུ་བྱེད་པ་བཅུ་གསུམ་པའོ༎ ་༎
Chapter 14: rtogs pa'i rang bab mngon sum du gyur pa'i skabs
དེར་ཆོ་འཕྲུལ་གྱི་སྨོན་ལམ་གྲོལ་རྗེས་མལ་གྲོའི་ནང་དུ་ཕེབས་ནས། སྔོན་གསང་ཕུར་བཞུགས་དུས་གནས་ཀྱི་སློབ་དཔོན་མཆོག་ཏུ་གྱུར་པའི་མཁན་ཆེནཚན་ཉི་མ་རྒྱལ་མཚན་པའི་དྲུང་དུ་སྐྱིད་སྡུག་ལམ་ཁྱེར་དང། ཁྲོ་ཕུ་བའི་བདེ་མཆོག་དཀར་པོ་ཁ་ཆེ་པཎ་ཆེན་ལུགས་དེ་གསན་རྗེས། དཔྱིད་སོས་ཀྱང་རྒྱ་མ་རིན་ཆེན་སྒང་ཉིད་ན་བཞུགས་དུས། རྒྱལ་རྩེ་ནས་རྣམ་ཐར་རྡོར་རྒྱལ་མར་ཆོས་ཀྱི་རྒྱལ་པོ་རབ་བརྟན་ཀུན་བཟང་འཕགས་པ་དང། རྣམ་ཐར་རྗེ་དབོན་མར་སོག་པོ་འཕགས་པས། དཔལ་འཁོར་བདེ་ཆེན་གྱི་ཆོས་དཔོན་དུ་སྤྱན་འདྲེན་ཕྱིར་འཕགས་པ་ཐུགས་རྗེ་ཆེན་པོ་དོན་ཡོད་ཞགས་པའི་ལི་མ་ཁྱད་འཕགས་དང། གདུགས་དཀར་པོའི་ཞུ་ཡིག་རྟེན་བཅས་བྱོན་པ་ལ་དཀོན་མཆོག་གི་སྤྱན་སྔར་ལེགས་སྨོན་གྱི་བརྟག་པ་མཛད་པས་མ་ཆུད་པར། ཐབས་མཁས་ཀྱི་འཕྲུལ་གྱིས་བཏང་སྙོམས་སུ་བསྒྱུར་བའི་ཞུ་འཕྲིན་སྤེལ་ལེགས་ཀྱི་སྙན་ངག་ཕུལ་ལོ༎
དེ་ནས་ཆོས་སྡིངས་རིན་པོ་ཆེའི་སྤྱན་སྔར་ཕྱག་འབུལ་ལ་འཕེབས༎ འབྲུག་པ་རྒྱལ་དབང་ཆོས་རྗེ་ཡང་ནཻ་གུའི་ཁྲིད་གསན་པ་ལ་ཕེབས་སྣང་བས་རང་རེས་ཀྱང་ཞུས། དེར་སྔར་ལྟར་འཆད་ཉན་གྱི་སྦྲེལ་བཀོད་མེད་པས། ཡིད་ལ་ངེས་འབྱུང་སོགས་ཀྱི་འཁུལ་ཆེ་ངོས། སྒྱུ་མ་རྨི་ལ་གྱི་གོ་མྱོང་ལྷུག་པ་རང་ཞིག་སྐྱེས། སྔ་ཕྱིར་ནེ་གུའི་ཁྲིད་བཟླས་པ་