[A:108]ལྡང་བ་ཙམ་གྱི་བཞེངས་བཀུར་བྱས་ཤེས་གསུང་ཞིང།
ལྕགས་ཕོ་སྟག་ལོ་vc: 1470དགུང་ལོ་ཞེས་གསུམ་སྟེང་དེར་བསྡད་དབུ་བཙུགས་པའི་རྩ་ཤེའི་ཊཱི་ཀ་གྲུབ་རྗེས། གསེར་མདོག་ཅན་དུ་དགུང་ལོ་ཞེ་བཞིའི་ངོ་ལ་རྟ་པའི་ཆོ་འཕྲུལ་གྱི་ཡར་ཚེསཆོས་ལ་ཕེབས་ཤིང། སྔོན་གནས་དེར་རྒྱལ་བ་གཡུང་སྟོན་པས། རྟ་དྲེ་ཁ་དོག་དཀར་བ་རེ་དང། དངུལ་བྲེ་ཆེན་ཅིག་བཅལ་ནས་ཉོས་པ་ཡིན་ཏེ། ད་ལྟའི་ཕུག་མོ་ཆེར་གྲགས་པའི་གང་ཕུག་དེར་ཡང་ཕུར་གྱི་བསྒྲུབ་ཆེན་གནང་བས་ལྷག་པའི་ལྷ་དེ་དག་གི་ཞལ་གཟིགས་ཤིང། དམ་ཆོས་རྫོགས་པ་ཆེན་པོའི་ལྟ་སྒོམ་ཡང་མངོན་དུ་གྱུར་པས། རིན་བཅལ་བ་ཟི་བར་དགོངས་ནས་ཟི་ལུང་དུ་མིང་བཞག་ཅེས་གཡུང་སྟོན་པའི་རྣམ་ཐར་ནང་དུ་འབྱུང་བ་བཞིན་གནས་ལ་མིང་དེ་ལྟར་དུ་ཡོངས་སུ་གྲགས་པས། རྗེ་དོན་ཡོད་དཔལ་བའི་སྐུ་རིང་ལ་མིང་དེ་ཀ་སྒྲོག་ཅིང། པཎ་ཆེན་རིན་པོ་ཆེས་ཞབས་བཀོད་ཕྱིན་གསེར་མདོག་ཅན་ཞེས་དགོན་པའི་མིང་ཡང་གསར་འདོགས་མཛད་ནས་དེར་སྨོན་ལམ་སོགས་ཆོས་སྒྲིགས་ཀྱི་དབུ་ཚུགས་ཙམ་གནང་རྗེས་དཔྱིད་ཆོས་ཤངས་ཀྱི་སྲེག་ཤིང་ན། ས་སྐྱ་པཎྜི་ཏའི་ཆོས་ཁྲི་ཡོད་པའི་སྟེངས་ནས་སྩལ་བས་རྟེན་འབྲེལ་ལྷག་པར་ལེགས་པ་གཙང་ཕྱོགས་སུ་དཔལ་ལྡན་ས་སྐྱ་པའི་འཆད་ཉན་དོན་དང་ལྡན་པ་ཞིག་ཚུགས་ངེས་སྙམ་དུ་དགོངས་ཞེས་གསུང་སྒྲོས་ལས་འབྱུང་ཞིང། དེའི་དབྱར་གནས་ལ་སླར་གསེར་མདོག་ཅན་དུ་ཕེབས་ནས་གཞི་གསུམ་ཆོ་གའི་ཕྱག་བཞེས་ལེགས་པར་སྲོལ་གཏོང། དེ་གོང་རྗེ་དོན་ཡོད་དཔལ་བའི་དུས་ཀྱང་དེ་འདྲའི་ཐ་སྙད་ཡེ་མེད་པས། དཀར་པོ་བྲག་པའི་རྒན་ཞུགས་ཤིག་དང་ལྷན་ཅིག་དྲུང་ནས་ཆོས་ཀྱི་བཟང་པོ་སོགས་ཀྱིས་ཀྱང་སྤྱི་བཤགས་སོགས་ལ་རྗེས་ཟློས་གསུང་བ་དྲན་ཞེས་སློབ་དཔོན་སྲས་མཆོག་གསུང་ཞིང།
དེའི་ཕྱི་ལོ་ཆུ་ཕོ་འབྲུག་vc: 1472དགུང་ལོ་ཞེ་ལྔར་ཕེབས་པའི་སྣྲོན་གྱི་ཟླ་བ་ལ་གསེར་མདོག་ཅན་