[A:110]རང་མཚམས་ནས་ལྷར་འདོན་བྱས་འགྲོ་སྙམ་བཞེངས་ནས་བྱོན་པས་སྙིང་རྗེ་ཁང་བུར་མཇལ་ནས་བདག་ལ་དངོས་གྲུབ་ཅིག་ཞུ་ཞུས་པས། པཎ་ཆེན་རིན་པོ་ཆེ་ཆིབས་པ་སྔོན་པོ་ཞིག་ཆིབས་ནས་ཞལ་འདོན་གནང་བའི། ཕྱིར་མི་ལྡོག་པ་ཕྱིར་མི་འོང༎ གསུང་བའི་ཚིག་མཚམས་དེར་ཧག་ཐུ་གསུང་ལྗགས་ལུངvc: or: lud?ཅིག་སྩལ་བ་ཁོང་ཉིད་ཀྱི་གཟིགས་ལམ་དུ་ཡི་གེ་དྷཱིཿ་གུར་ཀུམ་གྱི་མདོག་ཅན་དུ་གྱུར་པ་ཞིག་ཏུ་གཟིགས་ཤིང། དེ་མ་ཐག་ད་ཞལ་དུ་མིད་པས་རོ་དཔེས་མི་མཚོན་པ་ཞིག་བྱུང་གསུང། ཕྱིས་མི་ཕྱེད་པའི་དད་པས་མཚན་ནས་བརྗོད་པའམ། གཞན་གྱིས་མཚན་བརྗོད་པ་གསན་ནའང་སྤྱན་ཆབ་གཡོ་བ་ཞིག་བྱུང་ཞིང། ཁོང་རྡོ་རྗེ་འཇིགས་བྱེད་ཀྱི་རྣལ་འབྱོར་མཐར་ཕྱིན་ཡིན་པས། འདྲེ་འདུལ་ལ་ཡང་ཡང་གཤེགས་དུས་ཀྱང་ལྷ་འདྲེ་གང་བབས་ཀུན་གྱིས་སྐྱབས་སུ་མཆིའོ༎ ཁྱེད་རང་ཕྱིར་མི་ལྡོག་པའི་ས་ཐོབ་པའི་བྱང་ཆུབ་སེམས་དཔའ་ལགས་སོ༎ ཞུ་བ་ཡང་བྱུང་ངོ༎
དེར་གློ་བོའི་ཐུབ་ཆེན་རྣམ་པར་རྒྱལ་བའི་གཙུག་ལག་ཁང་དུ་ཐོག་མར་ཕེབས། དེ་མཚམས་རྣམ་རྒྱལ་ཆོས་སྡེར་སྤྱན་དྲངས་ཤིང། བྱེས་པའི་དཔོན་སློབ་ཀུན་དང། གཞི་པ་སློབ་གཉེར་དོན་འདུན་ལྔ་བརྒྱ་ཙམ་ཞིག་ཀྱང་འདུས་ནས། དེར་དཔོན་སློབ་སློབ་གཉེར་བ་ཤ་སྟག་དེ་རྣམས་ལ་ཆོས་རྒྱལ་བཀྲ་ཤིས་མགོན་པས་གཞན་སྨོས་ཀྱང་ཅི། ཐ་ན་འཚོ་བྱེད་ཚུན་ཡང་ཆེད་སྐོས་སྦྱར་ཏེ་གང་གིས་ཀྱང་གཡེང་བ་མེད་པའི་སོ་སོ་ནས་སློབ་གཉེར་འབའ་ཞིག་གིས་ཉིན་མཚན་དུས་འདའ་བར་གྱུར་ཅིང། དེར་སྔ་ཕྱིའི་གཏོང་ཆོས་དུས་གཉིས་སུ་མཛད་པའི་རེ་རེ་ལ་ཡང་ཕར་ཚད་རྣམརྣམས་རྒྱལ་ཆོས་སྡེའི་སྒྲིགས་ཡིག་ཆོས་རྗེ་རྡོ་རྗེ་འཆང་གི་ཕྱག་རྟགས་འབྱར་བའི་སྟེངས་ནས་མཛད་པའི་དབང་ལས། རོང་ཊཱིཀ་རང་གི་སྟེང་ནས་མངོན་པ་མཛོད་ཀྱང་རོང་ཊཱི་ཀvc: or: TIk?དང། རིགས་གཏེར་གཡག་མི་ཕམ་