[A:129]ཉིད་ཀྱང་ཐུགས་དམ་ཟིལ་ཆེ་བའི་ངང་ནས། རེ་ཞིག་ཕྱག་གི་བཞུགས་སྟངས་གཟིགས་སྣང་ལྟར་ལ་ཡུན་རིང་དུ་བཞུགས་པ་དྲུང་ཆེན་སངས་རྒྱས་སེང་གེ་བས་མཐོང་ལ། རྒྱུ་མཚན་གཏན་ཚིགས་དང་འབྲེལ་བ་ནི། དྲུང་ཡིག་ཆོས་རྒྱན་པས་དགོངས་ཏེ་དྲུང་བཙུན་ཤེས་རབ་དཔལ་འབྱོར་བ་ལ་གསུངས་པ་ལས་བདག་གིས་ཐོས་ཤིང། འདི་ཐད་རྣམ་ཐར་གསུམ་ཀ་ན་མཐུན་པར་སྲིན་པོ་རིར་བདེ་མཆོག་གི་གཟིགས་སྣང་བྱུང་ཞེས་ཐ་དད་ན་བཀོད་ཡོད་དོ༎
དེ་ནས་རིམ་གྱིས་འཕྲང་པོར་ཕེབས། ཟླ་གཅིག་གི་གསོལ་ཕོགས་ཕུལ་རིང་ཆོས་ར་རིགས་ལུང་སྨར་བ་གནང། དེ་མཚམས་ཤེལ་གྲོང་ནས་ཟླ་ཕྱེད་ཕོགས་ཤིག་ཕུལ་བ་ལ་ལམ་ཆས་སུ་མཛད་ནས། ཆོས་འཁོར་ལྷ་སའི་ཇོ་བོ་རིན་པོ་ཆེ་ལ་གསེར་ཆབ་འབུལ་བ་སོགས་དང། དཔོན་སློབ་ཡོངས་ཀྱིས་སྨོན་ལམ་རྒྱ་ཆེར་གནང་རྗེས། གྲྭ་པ་བྱིང་རྣམས་གཞུང་ལམ་བསྲངས་རྒྱ་མ་ཁྲི་ཁང་དུ་རྫོང་བ་མཛད། པཎ་ཆེན་རིན་པོ་ཆེ་དཔོན་སློབ་དྲག་བསྡུས་རང་ཞིག་སྤྱང་ལུང་དུ་ཕེབས། སྤྱང་ལུང་རིན་པོ་ཆེའི་ཐུགས་ལྗགས་སྤྱན་གསུམ་བྱོན་པ་མཇལ་བ་གནང་ཞིང། ལྷག་པར་སྔར་སྤྱང་ལུང་རིན་པོ་ཆེ་ཞལ་བཞུགས་དུས་ཕྱག་ནས་འབྱར་བའི་སྐུ་འདྲ་སྐུ་ཚད་མ་བླ་མ་དངོས་བྱོན་ཏེ་སྟེང་གི་གཡབས་ལྷོ་བསྟན་ན་ཡོད་པའི་དྲུང་དུ་ཕེབས་ནས་མཇལ་བའི་མོད་ལ། སྐུ་འདྲ་རིན་པོ་ཆེ་དེའི་སྤྱན་གཉིས་ལས་འོད་ཟེར་སྣ་སྔ་ཉི་མའི་མཐའི་འོད་འཕྲེང་ལྟ་བུ་འཕྲོ་བ་དེར་འདུས་ཡོངས་ཀྱིས་མཐོང་ཞིང། དེ་དུས་དྲིན་ཅན་སྤྱང་ལུང་པ་གཞོན་ནུ་ཆོས་གྲུབ་པའི་ཞལ་སྔ་ནས་དགུང་ལོ་བཅོ་ལྔ་བཞེས་པ་ཞིག་ཡོད་གསུང་ཞིང། པཎ་ཆེན་རིན་པོ་ཆེ་དང་ཞལ་མཇལ་བའི་སྔོན་མ་རང་དེ་ཡིན་ནའང་དེའི་ལོ་བཀའ་འབྲེལ་ནི་མ་ཐོབ། ཕྱག་དབང་ཙམ་ཀ་ཡིན་ཞེས་དངོས་སུ་གསུང་ངོ༎ ཕྱག་དབང་ཙམ་ཀ་ཡིན་ཞེས་དངོས་སུ་གསུང་ངོ༎
སྦྱངས་གནས་ཕྲ་བའི་ཡོན་ཏན་དཔག་དཀའི་དངོས༎
ཆེར་རློམ་རྒྱང་མིག་སྤྱོད་