[A:130]པས་མཐོང་མིན་ཀྱང༎
ཤིན་ཏུ་ཟབ་མོའི་རྣམ་དཔྱོད་གསལ་ལྡན་པ༎
གཏིང་མཐའ་མེད་པའི་བློ་གྲོས་ལེགས་བྱས་ཤེས༎
བརྩང་དྲིས་བརྟགས་པས་མཁས་པ་ཕལ་གྱི་གཏིང༎
ཡོངས་སུ་མི་རྟོགས་གངས་ཅན་ལྗོངས་འདིར་སུ༎
གང་ནས་སྨྲས་ཀྱང་དེ་ཉིད་ལ་སྦྱངས་ཚུལ༎
བློ་གྲོས་མི་ཟད་སྤོབས་པ་བརྩེགས་པར་གྲགས༎
དུས་འཁོར་རིན་ཆེན་གཞལ་མེད་ཁང་བཟངས་རྩེར༎
བློ་ཆུང་ཕལ་གྱིས་བགྲོད་པའི་སྤོབས་མེད་ལ༎
རིགས་ལྡན་ཡེ་ཤེས་གཟིགས་པའི་ཡུལ་འཛིན་ཁྱོད༎
དཀའ་བ་མེད་པར་ཚུལ་དེར་བྱང་ཆུབ་གྱུར༎
ཐོས་ཙམ་མཁྱེན་པའི་རང་བཞིན་ཁྱེད་ལ་ཡང༎
མ་ཐོས་སྒྲིབ་བྱེད་སྙེམས་བྱེད་འདི་མཚར་ཏོ༎
ཡུད་ཀྱིས་ཉེར་དགོངས་ཐེ་ཚོམ་ཕྲ་བའི་ཆ༎
ཁྱེད་ཐུགས་ལ་འཇུག་གཞན་ངོར་སྟོན་མིན་ནམ༎
བཟོད་པའི་རང་མཚན་བཟོད་འབྲས་ཡིད་འཕྲོག་སྐུ༎
དྲང་པོའི་རང་བབས་དྲང་པོར་སྩོལ་བའི་གསུང༎
གདོད་ནས་རབ་ཞི་གདོད་ནས་དག་པའི་ཐུགས༎
ཡོན་ཏན་རྒྱན་ལྡན་ཡོན་ཏན་འོད་ལྟར་འཁུམས༎
བསྟན་དང་འགྲོ་བའི་དོན་བྱེད་གང་གི་ཐུགས༎
ཡོངས་སུ་བསྐུལ་བས་འབད་མེད་ཆོས་སྟོན་གསུང༎
དད་པའི་ཤིང་རྟ་འདྲེན་བྱེད་ཡིད་འཕྲོག་སྐུ༎
ཐུགས་གསུང་སྐུ་ཡི་དཀྱིལ་འཁོར་ལྟ་ན་སྡུག༎
ཡི་དམ་ཡོངས་གྲུབ་གཟིགས་པའི་དཔལ་གང་གིས༎
གཞན་དབང་མཛེས་པའི་གར་བསྒྱུར་ངོ་མཚར་གནས༎
ཀུན་བརྟགས་གདུལ་བྱའི་ངོར་ཡང་བརྩེ་བ་ཅན༎
ཡེ་ཤེས་རབ་བཀྲའི་སྤྱན་ལྔ་ལྷུན་གྱིས་གྲུབ༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། ཡིད་དམ་གྱིས་རྗེས་སུ་གཟུང་བ་དང་མངོན་པར་མཁྱེན་པའི་གནས་ལས་བསྒྲགས་པའི་རབ་ཏུ་བྱེད་པ་བཅུ་དྲུག་པའོ༎
Chapter 17: mkhas pa'i mdzad pa'i mig 'phrul
དེར་རྒྱ་མའི་གཙུག་ལག་ཁང་དེར་གཞི་