[A:94]སྡིངས་གཟིམས་ཁང་སོགས་སྦྱིན་བདག་སོ་སོའི་སྤྱན་གང་དྲངས་པར་ཁོར་མོར་ཕེབས་ཤིང། འཆད་ཉན་ལ་ཉིན་གཅིག་ཀྱང་རེས་འཇོག་མེད་པའི་ཆོས་སྦྱིན་ཡང་དག་སྩོལ་ཞིང། གླང་ཐང་དུ་ཆོས་དབར་ཕེབས་རེས་སྤྱན་སྔ་ཀུན་རྡོར་བའི་གསུང་གིས་དྲུང་ནས་གནས་སྒོ་བའི་འཆད་ཉན་འདི་སྟབས། རྗེ་དུས་ཞབས་པ་ལ་ཁྱེད་ཆོས་དབར་ལ་ཐེགས་རིང་རྒྱུད་འབུམ་གྱི་ལུང་སོགས་དང། བྱ་སྤྱོད་ཀྱི་དཀྱིལ་འཁོར་ཕྲ་མོ་འདི་རྣམས་ཀྱི་དབང་ཞུས་ཤིང། དཀྱིལ་འཁོར་ཆེ་བ་རྣམས་ནི་རང་རེ་ལྷན་ཅིག་ཏུ་གཅིག་ཀྱང་མ་ཆད་པར་གསན་པ་དེ་ཡིན༎ གཞན་འདི་རྣམས་ཀྱང་ཁྱེད་ལ་འཕྲོད་པར་གྱིས་ཤེས་རྗེ་བླ་མ་དུས་ཞབས་ཆེན་པོའི་བཀའ་ལུང་ནན་ཅན་ཡོད་པས་འབུལ་དགོས་གསུངས་ནས། རྒྱུད་འབུམ་པོ་ཏི་བཅུ་བདུན་གྱི་ལུང། སྒྲུབ་ཐབས་རྒྱ་མཚོ། ཚེ་དཔག་མེད་ལྷ་དགུ། མི་འཁྲུགས་པ་ལྷ་དགུ། ཨ་ར་པ་ཙན་ལྷ་ལྔ། གཟའ་ཡུམ། རྨ་བྱ་ཆེན་མོ། རིགས་གསུམ་སྤྱིའི་དབང་དང་བདུན། ནག་པོ་གཞུང་དྲུག་གི་ལུང་རྣམས་སྤྱན་སྔ་ཉིད་ཀྱི་ཐུགས་ཀྱིས་ཆེད་གཉེར་ལྟ་བུ་མཛད་ནས་བཀའ་དྲིན་དུ་མཛད།
ཤིང་མོ་བྱ་ལོ་vc: 1465དབྱར་ཆོས་གྲོལ་རྗེས་སྣེའུ་རྫོང་དུ་གྲྭ་ཚང་པའི་ཞུ་དོན་འགའ་ལ་ཞབས་གཏང་ཕེབས་པས། ས་དགེའི་ཀུན་སློང་སྟབས་ཞུ་སྒོ་ལྷག་པར་ལྕི་བའི་ངང་ནས་གནས་ཚང་དུ་སྒུགས་སྡོད་ལ་བཞུགས་ཡོད་དུས། རྒྱ་གར་གྱི་པཎྜི་ཏ་ལོ་ཀོཏྟ་ར་སྣེ་པས་སྤྱན་འདྲེན་ཞུས་ནས་སྣེའུ་རྫོང་ན་བཞུགས་པའི་དུས་ཡིན་པས་པཎྜི་ཏ་ལ་སྟག་ལུང་ནས། སྟག་ལུང་ངག་དབང་གྲགས་པས་རྒྱ་གར་གྱི་ཡི་གེར་ཞུ་ཡིག་བཀོད་ནས་ཕུལ་བས། པཎྜི་ཏས་ལྷོགས་ཀྱང་དེ་བོད་སྐད་དུ་བསྒྱུར་མ་མཁྱེན་པར། སྣེ་པ་ལ་འདི་སྒྱུར་མི་ཚོལ། ངེད་སྟག་ལུང་ལ་ལན་བསྐུར་དགོས་གསུངས་ནས། སྣེའུ་བས་འབྲས་སེར། དགེ་ལྡན། དགའ་སྐྱོར།