[A:93]ལྷན་སྐྱེས་བརྡ་སྤྲོད་པ༎
ཀུན་བརྟགས་བུམ་ཆུའི་ཁྲུས་ཀྱི་ཟོལ་སྦྱོར་ཅན༎
མཚན་ཉིད་གསུམ་གྱི་ཚུལ་དུ་དབང་ཆོག་བཞེས༎
འདུས་བྱས་དཀྱིལ་འཁོར་བརྟགས་པའི་རྙོག་མ་ནི༎
ནམ་ཡང་ཆོས་སྤྱན་དག་པས་གཟིགས་མིན་ལ༎
དེར་འདུས་ཡོངས་ཀྱིས་མ་མཐོང་ཆོས་ཉིད་ཀྱི༎
འོད་གསལ་ཚོན་རིས་བཀྲ་བ་ཁྱོད་ཀྱིས་གཟིགས༎
བཟོ་སྦྱར་ལས་སྣང་སྒྱུ་མའི་ཅོད་པན་དེས༎
རིགས་ལྔའི་དབུ་རྒྱན་བཅིངས་རློམ་མིག་འཕྲུལ་མཁན༎
ལྟར་སྣང་བྱིས་པའི་དབང་མིའི་ཡིད་འདྲེན་པའི༎
ཁྲོམ་ཚོགས་འདུས་པའི་དབུས་དེར་ཁྱོད་ཀྱང་བཞུགས༎
སྒྱུ་མ་མཁན་པོ་སྒྱུ་མའི་འཆར་སྒོ་ལ༎
བཅིངས་གྲོལ་མཚན་མ་མེད་པར་གསན་པ་ལྟར༎
ཐ་སྙད་དབང་གིས་རྫས་ཀྱི་རོལ་རྩེད་ཀྱང༎
བྱིས་པའི་མིག་ཁྲིད་རྒན་པོས་རྩེ་ལྟར་དགོངས༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། དབང་བསྐུར་རབ་འབྱམས་རྗེས་སུ་ནོད་པའི་སྐབས་ལས་བསྒྲགས་པའི་རབ་ཏུ་བྱེད་པ་བཅུ་གཉིས་པའོ༎ ་༎
Chapter 13: ngo mtshar gyi dum bu 'ga' zhig
དེར་གསང་ཕུའི་དབྱར་དགུན་གྱི་དུས་ཆོས་ལ་བྱ་དུས་བཏབ་པ་ལྟར་གཡོ་བ་མེད་ངོས་ལྕགས་ཕོ་འབྲུག་vc: 1460། ལྕགས་མོ་སྦྲུལ་vc: 1461། ཆུ་ཕོ་རྟ་vc: 1462། ཆུ་མོ་ལུགལུགས་vc: 1463། ཤིང་ཕོ་སྤྲེའུ་vc: 1464སྟེ་དེ་ཉིད་ཀྱི་དགུང་ལོ་སོ་བདུན་དུ་སོན་པའི་བར་གྱི་ལོ་ལྔ་པོ་འདི་དག་ལ་ཆོས་དབར་འཕྲད་པོ་དགའ་ལྡན་གླིང། ཡང་དབེན་ཉི་མ་ཕུག། ཤེལ་གྲོང་སྐྱོར་མོ་ལུང། ཚལ་ཆོས་འཁོར་གླིང། རྒྱ་མ་གླང་རི་ཐང། ནཱ་ལེནྡྲ། རྒྱལ་ལྷ་ཁང། གྲོསvc: or: gro sa?། ཆ་རི། ཆོས་འཁོར་རྩེ་རྣམས་སུ། འཕྲང་པོ་སེང་གེ་སྒང་པ། ཚལ་ཁུང། གླང་བུ་གྲོང། ཤེལ་གྲོང། ཡ་ཆོས་པ། རྒྱ་མ་ཁར་རྩེའི་ཞལ་ངོ་ཐ་དད་དང། བྱང་སེམས་མངོན་དགའ་མ། གྲོག་མཁར་བ། མདུན་གྲོད་པ། གླང་ཐང་ཆོས་