R752: འཛམ་གླིང་བྱང་ཕྱོགས་ཀྱི་ཐུབ་པའི་རྒྱལ་ཚབ་ཆེན་པོ་དཔལ་ལྡན་ས་སྐྱ་པའི་གདུང་རབས་རིན་པོ་ཆེ་ཇི་ལྟར་བྱོན་པའི་ཚུལ་གྱི་རྣམ་པར་ཐར་པ་ངོ་མཚར་རིན་པོ་ཆེའི་བང་མཛོད་དགོས་འདོད་ཀུན་འབྱུང་།

« Title Page

Pagination (Witness A): ༡༧༦བ

Last Page »

[A:༡༧༦བ]ལ། བདག་ཉིད་ཆེན་པོ་འདིའི་གཅུང་བདག་ཆེན་ཞ་ལུ་བར་གྲགས་པ་མཐུ་སྟོབས་ཀྱི་དབང་ཕྱུག་བསོད་ནམས་རྒྱལ་མཚན་དཔལ་བཟང་པོ་ཞེས་བྱ་བ་ས་ཕོ་བྱི་བའི་ལོ་ལ་རིན་ཆེན་སྒང་བླ་བྲང་དུ་འཁྲུངས་ཤིང་། ཡབ་ཆོས་ལ་མཁས་པར་སྦྱངས་ཏེ་མཐུ་སྟོབས་ནུས་པའི་ཕ་མཐར་སོན་ནས། དགུང་ལོ་བཞི་བཅུ་རྩ་གསུམ་པ་ལྕགས་ཕོ་རྟའི་ལོ་ལ་ཞི་བར་གཤེགས་ཤིང་། སྲས་དེ་གཉིས་དང་ལྕམ་མོ་ཆེ་བ་ཕྱག་རྡོར་འབུམ་བྱ་བ་དང་། ཆུང་བ་དགེ་མ་སྟེ་བཞི་པོ་དེ་ནི་བླ་ཆེན་ཀུན་དགའ་རྒྱལ་མཚན་གྱི་སྲས་ལྕམ་སྲིང་བཞི་པོ་ཡིན་ལ། དེ་ལྟར་བཞིའི་ནང་ནས་འཇམ་དབྱངས་ནམ་མཁའ་རྒྱལ་མཚན་ཞེས་བྱ་བ་དེས་རྗེ་བཙུན་ས་སྐྱ་པའི་དཔོན་ཆེན་གྱི་བརྒྱུད་པ་ཁྲོ་མདའ་བའི་སྲས་མོ་མ་གཅིག་དཔལ་འབྱུང་རྒྱལ་མོ་ཞེས་བྱ་བ་དེ་ཁབ་ཏུ་བཞེས་པ་ལ། སྲས་སློབ་དཔོན་མ་བསོད་ནམས་དཔལ་འཛོམ། ནམ་མཁའ་འབུམ། ནམ་མཁའ་བཟང་མོ། སློབ་དཔོན་མ་མཁའ་འགྲོ་འཛོམ་སྟེ་ལྕམ་མོ་བཞི་དང་། བདག་ཉིད་ཆེན་པོ་རྒྱ་དཀར་ཤེས་རབ་རྒྱལ་མཚན་དང་། མཐུ་སྟོབས་ཀྱི་དབང་ཕྱུག་བློ་གྲོས་རྒྱལ་མཚན་དང་ལྕམ་སྲིང་དྲུག་འཁྲུངས་ཏེ། དེ་རྣམས་ཀྱི་ནང་ནས་རྒྱ་དཀར་ཤེས་རབ་རྒྱལ་མཚན་དཔལ་བཟང་པོ་ཞེས་བྱ་བ་ནི་མེ་ཕོ་འབྲུག་ལ་སྐུ་འཁྲུངས་ཤིང་། སྐྱེས་སྟོབས་ཀྱི་ཐུགས་རབ་ཤིན་ཏུ་ཆེ་བ་དང་། བཤེས་གཉེན་དམ་པ་མང་པོ་བསྟེན་ནས་ཡབ་ཆོས་ལ་སྦྱངས་པས་ཕུལ་དུ་ཕྱིན་པ་དགོངས་ནས། རྩོམ་པ་ཡང་ཅི་རིགས་པ་མཛད་ཅིང་། དགུང་ལོ་ཉེར་བདུན་ཙམ་བཞེས་པ་སྟག་ལོ་ཟླ་བ་དགུ་པའི་ཉེར་ལྔ་ལ་གདན་ས་ཆེན་པོ་ནས་གདན་བཏེག་སྟེ་ཁམས་ཀྱི་ཕྱོགས་ལ་ཕེབས་ཏེ། བོན་ཁྱུང་པོ་སྟོད་བྱ་བར་འབྱོར་པ་ན་ཡུལ་