[A:65a]rig pa'i seng ge yin pa chos rje la rtsod du btang nas chos rar zhag shas bsdad nas 'gal du bsgugs pas ma rnyed cing / rtsod par cung zad kyang ma nus kyi steng nas mi phyed pa'i dad pa thob ste zhabs pad yun ring du bsten pas bu chen du gyur pa lta bu'o/ /slob ma'i mchog ji ltar byung pa'i rnam grangs ni mdo tsam 'og nas kyang 'chad par 'gyur la/ zhib tu ni rnam thar rgyas pa logs su 'byung ba rnams las shes par bya'o/ /yang dbus kyi phyogs su bsam yas kyi btsan po shAkya mgon gyis gdan drangs te byon pa'i dus su yang / chos 'khor de nyid kyi 'khor sa bar ma la 'phags pa 'jam dpal gyi phyag mtshan ri mo dang / sngon gyi chos rgyal byang chub sems dpa' rnams la bsngags pa'i tshigs su bcad pa mdzad cing chos kyi 'khor lo rgya chen po bskor nas/ slar yang tshigs su bcad pa mdzad pa dang / de la ched du brjod pa chos kyi rgyal pos mdzad pa ni/ sgra dang tshad ma'i mig gnyis dang ldan pas/ /shes bya'i dkyil 'khor blta ba'i blo gros can/ /mang du thos shing legs par sbyangs pa po/ /skad gnyis smra ba dpal ldan sa skya pas/ /nam mkha'i mtha' dang mnyam pa'i sems can rnams/ /kun mkhyen rgyal po'i go 'phang thob phyir dang / /'gro ba'i bla ma de dag mnyes bya'i phyir/ /dam chos dkon mchog sgron ma gsal bar bshad/ /'gro ba'i bla ma yon tan rin chen gter/ /phyogs rnams kun tu snyan pa'i dris khyab pa'i/ /bstan pa 'jig rten khams 'dir gsal bya'i phyir/ /sde snod 'dzin pa dpal ldan sa skya pas/ /bsam yas