[A:81b]bshad sdig pa gsog pa'i rgyu ru 'gro gsungs/ ju gur me mar na dge bshes rdo rang zer ba cig na gin yod pa/ bdag gi slob ma rin chen rgyal mtshan bltar btang bas/ bshang gci thams cad mal du btang / g.yog po med/ sdug par snang ba'i lo rgyus zlo zhing snang ba dang / chos rje'i zhal nas/ sangs rgyas dang byang chub sems dpa' thams cad kyang mkhyen bzhin du thugs rjes mi gzigs pa gsungs/ de'i nub mo tho rangs bla ma rje btsun pa dang / slob dpon birWa pa dang / nag po pa gsum byon nas khyod de la yi ma chad/ zag bcas kyi lus 'di la skye rga na 'chi'i chu bo bzhi yod pa yin gsungs/ birWa pas 'dzum pa mdzad/ nag po pas de yin gsungs/ birWa pas thod pa'i bdud rtsi la srin lag gis reg nas khyod kyi ljags rkyongs gsungs nas/ ljags la thig le byas pa'i snang ba byung gsungs/ de'i dus su rtog pa dang rtog med mtha' las 'das pa/ bde gsal mi rtog pa rgyal ba rnams kyi thugs la'ang 'di las lhag pa med snyam pa'i snang ba byung / de nas bla ma rje btsun pas 'di nas gzhan don la 'gro ba'i dus su/ shar phyogs kyi 'jig rten gyi khams du ma brgal ba'i pha rol du mkha' la gnas pa'i rig pa 'dzin par gyur nas/ de bzhin gshegs pa du ma mnyes par byas shing / sangs rgyas kyi zhing yongs su dag pa dang / sems can du ma yongs su smin par byas nas sa dang lam phal cher bgrod de/ skye ba gsum pa la 'dzam bu'i gling 'di nyid kyi rgya gar shar lho mu mu nir zhes bya bar rgyal po nyi ma'i stobs 'phel zhes bya ba'i bur 'khrungs nas gzhon