[A:83b]thur/ shangs sreg shing / chung ba khams gtsang dbus gsum na shin tu mang ba'i bdag gnyer mdzad nas/ spyir mdo sngags/ khyad par rnam 'grel sogs mtshan nyid kyi bshad srol la chos rje pa 'di kho nas 'phrin las kyi rgyun bzang ba yin te/ zhal bzhugs pa'i dus kyang hor yul la 'byon pa'i tshe/ sa skyar mtshan nyid tshogs dpon 'u yug pa rig pa'i seng ge sngags kyi tshogs dpon zhang btsun mdo sde dpal/ spyi dpon nye gnas su dge bshes shAkya bzang po bskos nas byon pas/ sa skyar rigs chen pa rang la yang cha brgyad cu tsam byung bar grags pa dang / chos rje nyid mya ngan las 'das pa'i rjes su yang tshad ma sogs rang gi mtshan nyid kyi grub mtha' srol 'dzin gyi grangs 'phel ba yang / nA lendra/ gser mdog can/ skyid tshal/ thub bstan rnam rgyal/ thub bstan yangs can/ dbus rtses thang / byang ngam ring / dpal sa skya'i thub bstan lha chen sogs shin tu dar rgyas su gyur pa dang / de bzhin du sngags phyogs kyi rang gi grub mtha' srol 'dzin gyi dgon gnas kyang che phran mang po zhig 'phel rgyas su gyur pa 'di ni/ gzhan las rmad du byung ba'i rnam par thar pa ste/ rtsod dus gdul bya nyams dma' ba'i dus su 'phrin las rnam dag gi rgyun tshugs pa rnam thar gyi mchog yin gyi/ nyid kyis sangs rgyas byang sems mang po gzigs pa sogs ni byis pa mtshar bskyed du zad do zhes mkhas pa rnams kyi gsung rab las 'byung ba bzhin don la gnas par shes par bya'o/ /'dir smras pa/ de ltar gnas lnga rigs pa chos kyi rje/ /thub dbang gnyis pa