[A:83a]mo'i sgra dang / glu mchod pa sna tshogs dang / sa g.yo ba dang bcas pas zhi bar gshegs pa gyur to/ /nyi shu lnga'i nyin par gdung bzhus pa'i dud pa thams cad kyang 'ja'i rnam par gyur/ rol mo'i sgra mang po yang skye bo'i tshogs thams cad kyis thos so/ /gdung yang phal che ba ring bsrel dang lha sku sogs rang byon bsam gyis mi khyab par gyur te/ sems can gyi don mdzad pa ni yar lung pa grags pa rgyal mtshan gyis mdzad pa'i rnam thar bstod pa las/ gtsug tor mchog dbus kye yi rdo rje dang / /'jam pa'i dbyangs sku dri med gsal bar byon/ /dpral ba'i dbyings su 'khor lo sdom pa'i tshogs/ /ltag pa'i cha la sangs rgyas bcom ldan 'das/ /phrag pa'i gdung la kha sar pA Ni dang / /rkang gi sbubs su spyan ras gzigs dbang dang / /sgal bu'i cha la gsang ba'i yum bzhi byon/ /sgrol ma mi g.yo pus gtsug rnam pa gnyis/ /phyag sor g.yas pa klu shing ljon pa'i steng / /byams pa chos kyi 'khor lo'i phyag rgya can/ /sprul pa rnam bcu sku yi rten du byon/ /tshangs pa'i gsung dbyangs stong nyid seng ge'i sgra/ /skye med don ston a yig 'bur du dod/ /snyan gong gnyis la rnam rgyal mchod rten re/ /dam tshig rdo rje lta bar hU~M gis mtshan/ /thugs dgongs rnam dag rang byung chos skur shar/ /gzhan yang ring bsrel sna tshogs dpag med byon/ /zhes gsungs pa ltar yin no/ /bdag nyid chen po 'di'i gdan sa che 'bring chung gsum las/ che ba dpal ldan sa skya/ byang phyogs ling chu rtser khab/ bar pa bsam yas/ nyang stod rkyang