[A:84a]sa skya paN chen gyi/ /rnam thar cha shas mthong bas kho bo cag /gzhon nu'i tshe na'ang mi phyed dad pa thob/ /grangs med skye bar sbyangs pa'i paNDi ta/ /shes bya ma lus gzigs pa'i thams cad mkhyen/ /da lta dri med dpal du sangs rgyas pa'i/ /don gnyis mthar phyin de la skyabs su mchi/ /khyed kyi mkhyen pas 'jam dbyangs zil gnon zhing / /brtse bas rgyal sras khyod kyi dgung gi lo/ /mtha' ru son kyang bod khams bde ba'i thabs/ /gcig tu dgongs nas hor gyi rgyal khams byon/ /gang gi nus pas rje btsun sa skya pa'i/ /bstan pas 'dzam gling khyab 'di ma legs sam/ /de 'dra'i bka' drin gzhal du med pa'i tshul/ /sngon byon skyes bu kun gyi thugs la gsal/ /kye ma deng sang dus ngan skabs 'di na/ /de 'dra'i tshul lugs ji bzhin ma rig pas/ /gang gi grub mtha' rtsod bral khungs thub las/ /gsar byung 'ga' zhig mchog tu 'dzin 'di mtshar/ /kyi hud chos nyams med pa'i blun po rnams/ /dregs pa'i rjes su 'brangs pa dngos po'i gshis/ /de phyir bdag gi bstan pa spel ba'i grogs/ /chos rje chos kyi rgyal pos dbyings nas mdzod/ /ces pa 'di yang rang babs su byung ba'i gsol 'debs lags so/ /de lta bu'i bla ma de'i gcung bsod nams rgyal mtshan ni/ yab dgung lo so lnga pa/ yum nyer gsum ma shing pho 'brug gi lo la skya'o kha gdangs su 'khrungs/ yab mes kyi chos mtha' dag la sbyangs/ kye rdo rje dang phur pa gnyis la thugs dam gyi mthil mdzad/ chos skyong lcam dral 'khor bcas bran du 'khol