[A:97a]gsal bar mdzad de/ slob dpon padma 'byung gnas kyis rgyal po khri srong lde'u btsan la ma 'ongs pa lung bstan pa las/ lo tsA ska ba dpal brtsegs khyed/ /dkar nag rgya ru 'gro don byed/ /de nas u rgyan gha na ru/ /padma nga dang gros bstun nas/ /gtsang gi grom pa zhes bya bar/ /'khon gyi rigs gyur lug lo pa/ /de yis sde snod bstan pa 'dzin/ /'phags pa'i mtshan can gsang sngags skyong / /mtha' mi de yis 'dul bar gyur/ /zhes gsungs pa ltar mngon du mdzad do/ /de'i phyi lo rgyal pos ljang yul du dmag la byon dus/ bla ma 'phags pa byang ngos su byon te chos rje pa'i sku 'bum la rab gnas mdzad/
Ordination of 'Phags pa
dbus gtsang du byon te chos rje pa'i gsung bzhin du 'u yug pa la bsnyen rdzogs zhu ba dang / sngar ma gsan pa'i chos gsan par dgongs nas mdo khams bar byon pa dang / 'u yug pa glang lo la sku gshegs zhes phyogs kyi 'grul pa las thos nas phyir log ste/ rgyal po tshur byon pa dang lhan cig tu rgya yul du byon nas/ rgya dang hor yul gyi mtshams the le zhes bya bar chu bo chen po'i 'gram/ 'u thor dgung lo nyer gcig pa shing mo yos kyi lo zla ba lnga pa'i tshes bco lnga'i nyin/ mkhan po snye thang pa grags pa seng ge la zhus nas bsnyen rdzogs mdzad pa yin te/ de dus chos rje grags pa seng ge spyan 'dren gyi yi ge 'phags pa nyid kyis mdzad pa las 'di ltar 'byung ste/
oM swasti siddhaM/ bla ma dang 'jam pa'i dbyangs la phyag 'tshal lo/ /bla ma dam pa dus gsum gyi bde bar gshegs pa thams cad kyi thugs gnyis su med pa'i ye