[A:96b]zhing / /rgyal khams bde skyid dge 'dun mthun pa dang / /sangs rgyas bstan pa phyogs bcur rgyas par shog /bsod nams 'di yis srid pa thams cad du/ /dal 'byor rnyed cing rigs gzugs longs spyod ldan/ /sangs rgyas mthong zhing dam chos nyan pa dang / /lus can rnams la phan pa byed par shog /'khor ba'i sdug bsngal rgya mtshor bying ba yi/ /lus can thams cad legs par bsgral nas kyang / /chos rnams ma lus mngon sum mkhyen pa yi/ /rdzogs pa'i sangs rgyas myur du thob par shog /bstan la phan pa'i bka' lung bzang po 'di/ /thog ma nyid du bstod 'os bsngags pa dang / /yongs su bsngo ba rjes su bgyis pa 'di/ /mi yi dbang pos dang bas bskul nas ni/ /dkon mchog gsum dang rgyal po'i bstod pa rnams/ /srid zhi kun nas 'phags pa thob phyir mdzad/ /sangs rgyas ngo bo bla ma'i yon tan rnams/ /lung rigs don dang mi 'gal bdag gis sbyar/ /yongs su bsngo ba'i tshigs bcad gang yin pa/ /rnam dag theg chen lung bzhin kho bos bsdebs/ /shing pho stag gi dbyar 'bring tshes dgu la/ /rgya bod mtshams kyi lung pa shar du bris/ /zhes hor rgyal po'i 'ja' sa bod yig mar grags pa da lta'i bar du gdan sa chen po rang na bzhugs pa las zhal bshus pa yin no/ /de ltar na spyir 'dzam bu gling dang / bye brag dbus gtsang khams gsum gyi 'gro ba rnams la bde skyid 'byung ba'i byed pa po dam par gyur pa chos kyi rgyal po dpal ldan 'phags pa'i zhabs de nyid kyis skad rigs mi gcig pa du ma la chos kyi brda dang tha snyad du ma