R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 98b
[A:98b]dka' gsungs nas ma gnang / 'o na gal te chos kyi rje pa mi bzhugs na mkhan po su la zhu byas pas/ deng sang dbus gtsang khams gsum na slob dpon grags pa seng ge bas mkhas btsun 'dzom pa med/ khos shAnti pa'i dod pher ba yin gsungs nas chos rje pas thugs kyis dgongs 'dug pas chos rje pa'i thugs dgongs rdzogs pa'i don du 'byon par zhu/ gal te khyed ma byon na nga'i mkhan po'i 'os gzhan mi snang bas nga tshe 'di la bsnyen rdzogs mi 'grub par snang / chos mang po'i lung yang mi thob par 'dug ste de khyed la rag las pa yin/ da chos rje pa ni mi bzhugs/ khyed kho na re che zhing ltos pa yin pas thugs la thogs/ khyod byon na chos rje dang khyad par med pa'i 'du shes yod pa yin pas dam tshig la dgongs/ ngas zhus pa'i tshig 'di rnams la bcos ma dang mi bden pa'i tshig gcig yod na'ang rdo rje 'dzin pa'i ye shes kyi rdo rje 'bar bas bdag gi snying tshal pa brgyar 'gas pa yin/ bla ma sangs rgyas ye shes kyi spyan dang ldan pa rnams dpang du bzhugs pa yin/ gzhan yang zhu ba'i tshig 'ga' zhig tshigs su bcad de snyan du gsol pa/ bdag gi bla ma mya ngan 'das/ /sprul pa'i dkyil 'khor dbyings su zhi/ /ye shes nyi ma nub par gyur/ /thugs rje sprin gyi phung po dengs/ /dam tshig char gyi rgyun yang chad/ /kye ma bdag ni skal ba dman/ /dman pa'i dbang gis de ltar snang / /snang bas khyed la gsol ba 'debs/ /khyed kyi thugs rjes ma gzigs na/ /da ni bdag gi ston pa su/ /de ltar 'phrin du zhus pa'i tshe/ /bla ma'i yon tan dran pa dang / /khyed