[A:11a]skya'i gtsug lag khang btab/ 'di man chad nas gdung brgyud rnams la lha rigs 'khon sa skya pa'i gdung brgyud du grags/ de'i sras jo bo lha gcig gi bande byang chub sems dpa' 'am/ sbyin pa dpal gyi bar srid spyan ras gzigs kha sar pA Ni'i tshul du yod pa la/ gnam kha'u pas dkon mchog rgyal po'i btsun mo snga ma rdo rje phyug mo la 'khon gyi sras ma byung bar brten/ ma gcig zhang mo la rten 'brel 'grig par mkhyen nas/ 'khon dkon mchog rgyal po la de bzhin gyi thabs lam 'grig pa'i bka' stsal gnang ba thog tu khel ba'i legs lam la brten gong gi spyan ras gzigs bar srid kyi tshul du yod pa/ ma gcig zhang mo'i lhums su zhugs pa las rje btsun sa skya pa chen po kun dga' snying po zhes kha ba can gyi rdo rje 'dzin pa kun gyi gtsug rgyan dam par gyur pa de nyid byon pa yin te/ de yang gnam kha'u pa chen pos 'khon dkon mchog rgyal por gdung sras 'byung ba'i rten 'brel sgrig bar mdzad pa'i tshul ni/ de'i dus su kha'u skyed lhas kyi dgon pa na rje btsun grub pa'i dbang phyug chos kyi rgyal mtshan de nyid kyi 'od gsal la rtse gcig tu zhugs pa'i gzigs snang la dkar gong lung gi nam mkha'i thad 'ja' 'od gur khang 'khyil ba'i dbus na bar srid kyi tshul la/ rnam pa spyan ras gzigs kha sar pA Ni zhal gcig phyag gnyis kyi g.yas mchog sbyin dang / g.yon utpal mtheb srin gyis 'dzin pa/ dar dang rin po ches brgyan pa/ zhabs gnyis mnyam pa'i stabs kyis bzhengs nas bzhugs pa zhig mngon sum lta bur gzigs nas de la brtag