[A:138a]kyang zla ba de kha'i tshes bcu dgu la gshegs zhes bshad kyang brtag par bya'o/ /'di'i yum la lcam sring gnyis 'khrungs pa'i lcam slob dpon ma mdo sde bya ba ma lus su go la byon nas/ sras mus chen rgyal mtshan dpal bzang legs par 'khrungs zhes grags la/ yang lcam sring 'di gnyis kyi yum gyi yul/ ya rabs kha rgyan dang gtsang byams pa'i gdung rabs gnyis las sa skya'i chu mdo yin par bshad/ stag tshang gdung rabs dang / nyi sde bas mdzad pa'i gdung rabs gnyis las shab kyi jo 'gro ma zhes bshad pas shab yul du byung bar yang bshad do/ /yang bla ma zangs tsha'i btsun mo gsum pa/ yul mnga' ris gung thang / pha ming gung thang gi btsad po/ ma ming lha gcig mdzes ma bya ba la sras lcam sring gnyis 'khrungs pa'i che ba slob dpon bsod nams 'bum du grags pa des jo mo gling btab/ btsun ma'i sde btsugs te 'chad nyan mdzad nas ngo mtshar ba'i ltas dang bcas gshegs pa'i nang rten sgrol ma'i sku dus mchod na bzhugs par bshad kyang deng sang bla brang de na mi bzhugs/ yang de'i gcung nyi ma 'bum zhes bya bas gung thang du mnga' bdag bkra shis brtsegs pa dpal gyi jo mo la byon/ yang zangs tsha'i btsun mo bzhi pa yul g.ya' lung ma/ ming jo lcam hor mo'am/ jo mo hor lcam bya ba la sras slob dpon ma rin chen 'byung gnas 'khrungs te/ des gtsang chu mig tu byon nas/ brgya tsho dpon drung du grags pa sras su 'khrungs so/ /bla ma zangs tsha'i btsun mo lnga pa ni/ yul mnga' ris pa gung thang btsad po'i sras mo