[A:138b]lha gcig mdzes mar grags pa de'i nye gnas ma rdo rje gdan du grags pa la sras slob dpon ye shes 'byung gnas zhes bya ba/ yab dgung lo nga lnga pa sa pho khyi'i lo la dpal ldan sa skya'i bsam gling du sku 'khrungs/ shar pa shes rab 'byung gnas dang / shar pa rdo rje 'od zer gnyis kyi drung du dam pa'i chos la slob gnyer gsan sbyong mdzad/ bla ma 'di bzhugs pa'i khang pa la dpon chen shAkya bzang pos shar gling bzhengs/ slar khams phyogs la 'gro ba'i don la dgongs nas phebs/ rgyal po hu dkar che zhes bya ba'i bla'i mchod gnas mdzad de/ mthar dgung lo sum cu so bdun pa shing pho khyi'i lo zla ba bcu gcig pa'i tshes bcu bzhi la ljang yul du zhi bar gshegs zhes gtsang byams pa'i gdung rabs dang / bla ma dam pa'i dngos slob shes rab rdo rjes mdzad pa'i gdung rabs sogs che phran kha cig las bshad/ yang stag tshang lo tsA ba shes rab rin chen gyis mdzad pa'i gdung rabs las/ dgung lo so drug pa chu mo bya'i lo zla ba gsum pa'i tshes bcu la mdo khams ser snar gshegs zhes bshad cing / nyi sde gdung rabs las gshegs pa'i gnas dang dgung lo de dang mthun pa la/ rgyal gyi zla ba'i tshes bcu gcig la gshegs par bshad pa sogs gdung rabs snga ma de rnams su mi mthun pa du ma zhig 'byung ngo / /'gro ba'i mgon po phyag na rdo rje zhes bya ba la btsun mo gsum yod pa'i nang nas/ rgyal po go dan gyi sras mo mangga la dang / ma gcig ldan tsha chos 'bum la sras mi mnga' zhing / btsun mo gsum pa yul zha lu/ pha ming hor rgyal po'i nang blon sku zhang rnga sgra