[A:139a]zhes bya zhing / ma ming mkha' 'gro 'bum zhes bya ba la sras bdag nyid chen po dharma pA la rakShi ta zhes pa yab zhi bar gshegs nas zla ba drug 'das pa sa pho 'brug gi lo'i zla ba dang po lha khang chen mo 'gram 'ding pa dang mnyam du rin chen sgang gi lho thad gnas drug lha khang du grags par sku bltams te/ 'di nyid sku shin tu gces pas sa g.yos kyi gnod pa byung dogs nas shing khang bla brang ched du gtad nas bzhengs/ sku nar son pa dgung lo dgu tsam bzhes pa na/ bla ma 'phags pa rgya yul nas yar byon dus dbang rgyud man ngag la sogs pa du ma gsan nas thugs su chud par mdzad nas/ dgung lo bcu gcig pa la brtag gnyis gsungs shing / tshogs su thugs bskyed gnang bas thams cad ngo mtshar du gyur/ de nas dgung lo bcu gsum pa la gdan sa'i 'khur bkur te/ 'phags pa rin po che zhi bar gshegs nas/ de'i thugs dgongs rdzogs thabs gsol 'debs dang chos 'khor chen mo gnang dus tshogs chos gsungs pas thams cad ngo mtshar du gyur te/ gzhan yang nang rten lha chen dpal 'bar/ phyi rten gser 'bum chen mo/ lha khang 'debs bris/ bla brang so sor sku 'dra du ma dang / sku tshad bcu gsum sogs mang du bzhengs/ dus mchod rgyun ma chad par 'dzugs pa la sogs pa bya ba rgya chen po bsgrubs nas/ de'i ngang la'ang slob gnyer gyi 'phro bla ma ye shes rin chen pa la gsan sbyong mdzad de/ dgung lo bcu bzhi pa la gong du byon pas se chen dang mjal nas chos dang mthun pa'i gsung gleng mang du mdzad pas rgyal