[A:141b]dang / 'dir phebs nas kyang bdag nyid chen po thugs sbyong mdzad pa'i ring la lo bco brgyad kyi bar la rje btsun sa skya pa'i gdung brgyud dri ma med pa rnams dang / mdzad pa'i 'phrin las mi mtshungs pa med pa shar pa 'jam pa'i dbyangs rin chen rgyal mtshan zhes grags pa des gdan sa'i 'khur bzhes mdzad pa yin la/ de ltar gdan sa bu chen la gtad de phyag na'i sras dharma pA la sku gshegs/ ye 'byung gi sras bdag nyid chen po rgya yul du bzhugs nas sa skya pa rang gi gdung brgyud dngos kyi gdan sa 'dzin mkhan med pa lta bur gyur te cung zad nyag phra ba tsam byung ba'i dus de nyid kyi tshe yar 'brog gi dpon chen ag glen gyis sems kyis ma bzod nas do dam cher mdzad/ de'i grogs khams pa dbon nag ces bya bas kyang byas/ sa skya'i bka' bgros pa la gros bsdur te/ ti shrI grags pa 'od zer du grags pa gong na bzhugs yod pa la zhu yig byas pas/ de'i grogs nyi lde ba gug shrI shes rab dpal dang / mi chen o bus byas nas/ gong ma rgyal po la yang yang zhus de'i rgyu dang / skabs shig tu dharma pA la'i gdung thams cad ring bsrel du song ba rgyal po la phul bas/ rgyal po ngo mtshar skyes nas/ nga'i bla ma'i dbon po yin pa tsam gyis chog pa 'dug pa la da dbon po med gsungs nas spyan chab mdzad pa la/ bla chen grags pa 'od zer dang / dam pa tre po sogs kyis bla ma'i dbon po bdag nyid chen po yin pa'i tshul zhus pas/ rgyal po yang thugs 'gyur te/ de ltar yin na sman rtse nas gdan drongs gsungs pa'i lung phebs zhes gtsang byams pa'i gdung rabs