[A:141a]shar pa 'jam dbyangs chen pos mdzad de/ /'dis bstan pa'i bya ba 'chad nyan sgom sgrub la sogs pa gzhan phan gyi bya ba mtha' yas shing blos mi 'khyud pa lta bu zhig mdzad ces bshad la/ khyad par gdan sa 'dir yang bla ma 'phags pa dang / bdag nyid chen po dharma pA la gnyis kyis phyi rten bzhugs pa'i gser thog g.yu thog la sogs pa'i zhal bkod dang / lha khang chen mo 'di nyid dpon chen shAkya bzang pos 'gram bting / kun dga' bzang pos legs par sbyangs pa'i rjes bla ma 'di'i gdan sa mdzad pa'i dus/ dpon chen ag glen gyis lha khang nang gi sa rgyan/ gnam rgyan/ mchod cha logs bris la sogs pa dang / lha khang chen mo'i mtha'i lcags ri chen mo 'di yang shing mo lug gi lo la byas so zhes grags shing / gzhan yang bla ma 'di'i lha khang gi thigs khang chen mor brtan pa'i phyir dang / mdzes pa'i rgyan du rnal 'byor rgyud man chad nas 'byung ba'i dkyil 'khor gyi bkod pa'i zhal ta mdzad nas/ bla ma blo chen dang snur ye shes rgyal mtshan bya ba zhal ta byed du bcug ste dkyil 'khor chen po brgya dang bzhi bcu zhe brgyad/ rigs bsdus rnams so sor bgrangs nas dkyil 'khor drug brgya dang sum cu rtsa dgu/ bla ma gong ma dang bla ma nyid kyi zhal mtshungs rgyud ris dang bcas pa shing mo sbrul gyi lo zla ba lnga pa nas brtsams zla ba brgyad pa yan chad la rab gnas dang bcas pa grub par mdzad pa dang / gzhan yang gdan sa'i phyir du ma mdzad de mdor na dharma pA la sku gshegs pa nas bla ma bdag nyid chen po gong du bzhugs pa'i dus