[A:144a]bzhugs shing don la yang gnas par 'dod dgos shing / de min par lo gcig ltar na yang kun dga' blo gros 'khrungs nas bdag nyid chen pos lo nyer lnga bzhugs par 'bad med du 'grub cing / nyer bzhi pa chos 'khor mdzad pa'i lo gshegs pa yin na'ang lo nyer bzhi bzhugs pa la the tshom gtan mi snang la/ des na nyi lde ba ltar na ti shrI kun blo 'khrungs nas/ yab bdag nyid chen po dgung lo nyi shu rtsa gsum las ma bzhugs par 'dod dgos/ bdag nyid chen po dgung lo so brgyad pa'i sras ti shrI kun blo yin pa dang / bdag nyid chen po dgung lo re gcig pa la gshegs par nyi lde ba rang gis bshad pas so/ /de ltar na ti shrI dgung lo nyer gsum pa'i dus yab gshegs dgos pa las/ de ni ma yin par nyer bzhi pa'i dus bsnyen rdzogs dang / de nas chos 'khor mdzad/ de'i rjes su yab gshegs par nyi lde ba rang dang / gzhan gdung rabs mdzad pa po phal cher mthun par 'byung ba rnam dpyod kyi mig gis bltas na gsal ba yin no/ /de bas na nyi lde ba'i gdung rabs las bdag nyid chen po dgung lo re gcig pa la gshegs par bshad pa ni yi ge pa'i skyon nam/ ma yin na lo grangs cung zad nang 'gal ba lta bur snang bas cung zad dpyad par bya ba'i gzhir snang ngo / /gang ltar yang de lta bu'i bla ma bdag nyid chen po de'i sku ring la kha ba can gyi ljongs 'dir/ gang gi sku'i nyin byed shar ba las/ /rgyal bstan padmo'i tshal rab tu bzhad de/ /skal ldan bung ba'i tshogs la dpal 'byor phun tshogs kyi sbrang rtsi ci yang ster bar mdzad