[A:154a]byon tshul gyi go rim yang de ltar bshad pa la 'gal ba med mod/ 'on kyang thams cad mkhyen pa dkon mchog lhun grub kyis bla brang bzhi'i gdung rabs rnams kyi nang nas gzhi thog pa'i gdung rabs snga mo nas rdzogs shing / de'i rjes nas rin chen sgang pa'i gdung rabs mi bzhugs pa snga bas gzhi thog pa'i rjes su rin chen sgang pa dang / de nas lha khang pa'i gdung rabs thams cad mkhyen pa dkon mchog lhun grub kyi dus su yang bzhugs pas na rin chen sgang pa'i rjes su lha khang bla brang pa'i gdung brgyud byon tshul bshad pa dang / de nas dus mchod bla brang pa'i gdung rabs ni bstan 'gro'i don du deng sang yang bzhugs shing / da dung yang ji srid 'khor ba ma stongs kyi bar du 'byon pa'i rten 'brel la dgongs nas/ dus mchod bla brang pa'i gdung rabs byon tshul bla brang kun gyi phyis nas 'chad pa/ gzhan las ngo mtshar rmad du byung ba'i legs bshad yin pas go rim de bzhin du 'dir yang gzhi thog pa'i rjes su rin chen sgang pa/ de nas lha khang pa/ de rjes su dus mchod bla brang pa 'chad pa nyid legs pa yin pas/
ta dben kun dga' nyi ma/
de yang bdag nyid chen po'i btsun mo drug pa yul zha lu ma/ sku zhang mgon po dpal gyi sras ming ma gcig gzhon 'bum zhes bya ba'am yang ming gzhan ma gcig lug skyes su grags pa la/
sras sku mched gsum 'khrungs pa'i gcen po ta dben gu shrI kun dga' nyi ma yab dgung lo zhe brgyad pa'i dus la 'khrungs shing / gzhon nu nas yab chos mtha' dag thugs su chud pas rin chen sgang gi chos rgyal 'phags pa'i chos khri'i steng