[A:194b]rgyal mtshan dang / /shAkya seng ge don grub rgyal mtshan dang / /bsam grub rgyal mtshan zhes bya rnam bzhi 'o/ /shAka seng btsun mo gcung pa dpon mo'i sras/ /kun dga' bkra shis kun dga' rgyal mtshan dang / kun dga' snying po zhes bya rnam pa gsum/ /btsun mo gnyis pa ma gcig yum pa'i sras/ /rin chen rgyal mtshan lha khang gdung rabs yin/ /zhes so/ /gnyis pa de'i don rgyas par bshad pa ni/ bla ma bdag nyid chen po bzang po dpal zhes yongs su grags pa de'i btsun mo spyi grangs kyi lnga pa/ lung phebs nas khab tu bzhes pa'i btsun mo bzhi pa yul sha la zug pa stag sde ra lung pa/ ming kun dga' nam mkha'i rgyal mtshan zhes pa la sras gnyis 'khrungs pa'i gcen ni
lha khang bla brang /
ti shrI kun dga' legs pa'i 'byung gnas
ti shrI kun dga' legs pa'i 'byung gnas rgyal mtshan dpal bzang po zhes bya ba yab bdag nyid chen po dgung lo zhe bdun pa sa pho spre'u'i lo la dus mchod pa'i gdung brgyud dbang kun dga' legs pa dang dgung mnyam du 'khrungs te/ bla ma 'di ni gzhon nu nyid nas rab tu byung zhing yab chos rnams la gsan sbyong mdzad pas legs par thugs su chud de/ dgung lo nyer gcig pa'i dus gong nas spyan 'dren pa'i pho nya mngags pa la brten nas mdo khams su phebs/ rgyal po chen po'i ti shrI dang gzhan yang bstan pa'i bya ba rgya chen po zhig bsgrubs nas/ dgung lo sum cu so bzhi pa yos kyi lo la me tog ra bar sku gshegs pa'i tshul bstan zhes mus srad pa'i gdung rabs las bshad la/ yang nyi lde pa'i gdung rabs las/ rgyal po'i ti shrI lo gsum mdzad nas nyer gsum pa rta'i lo la