[A:200a]rigs 'khor longs spyod la sogs pa 'jig rten gyi phun sum tshogs pa thams cad rgyang ring du bor nas kun spangs kyi spyod pas sa phyogs dben pa kho na la thugs gzhol bar gyur te/ sku tshe dang sgrub pa mnyam pa lta bu'i dam bca' brtan par mdzad nas thugs dam 'ba' zhig la rtse gcig tu gnas par mdzad ces bshad de/ de yang rnal 'byor dbang phyug gis byin gyis brlabs pa'i gnas mchog dpal ldan sa skya'i dbu rtse rnying mar lo gsum phyogs gsum gyi sku mtshams dang / gzhan yang jo mo nang la sogs pa'i bsgrub gnas khyad par can rnams su nyin mtshan thams cad du bskyed rdzogs zung du 'brel ba'i mnyam gzhag gis dus 'da' bas ting nge 'dzin gong 'phel du mdzad nas/ nyams dang rtogs pa'i yon tan rnams kyang dbyar gyi chu mtsho ltar 'phel zhing rgyas par gyur to/ /de dus sgrub pa tshugs nyams len bzang bas su dang yang kun spyod mi mthun pas kun gyis thugs gshis gyod par byed ces grag cing / rje nyid kyi gsung las kyang / sgo gsum gnad la bor/ rig pa jur mig nas bton/ tshe 'di'i re ltos thag rbad kyis bcad la bsgom 'tshal lo/ ma bsgoms pa'i chos de go yul lam/ yid smon la las pa lags so zhes gsungs pa ltar mdzad cing / de yang jo nang du zla ba drug tsam sku mtshams dam po la bzhugs pa'i tshe/ lan cig lam 'bras kyi dbang gsum pa dang bzhi pa'i 'khrul 'khor la gnad du bsnun pas rlung stod 'tshangs kyi snyung ba thu mo rang cig byung ba la/ slar yang dmigs pa dang 'khrul 'khor sogs