[A:246a]glang gi lo ngo mtshar ba'i ltas du ma dang bcas gdan sa chen po rtse gdong bla brang gi gnas mchog tu yum la gnod pa med par bltams pa yin te/ de ltar bltams nas lam thams cad kyi rtsa ba sdom pa gsum gyis thugs rgyud phyug par mdzad de/ gsan pa rgya mtsho'i pha rol du son cing / thos bsam mthar phyin par mdzad pa'i tshul ni/ rje 'di dgung lo dgur phebs pa'i tshe/ gnas lnga rig pa'i paNDi ta chen po 'jam dbyangs kun dga' bsod nams grags pa rgyal mtshan dpal bzang po'i drung du/ so sor thar pa'i bslab bya dge bsnyen dang dge tshul gyi sdom pa rnam par dag pa nos te/ mtshan yang 'jam dbyangs ngag gi dbang po kun dga' rin chen bkra shis grags pa rgyal mtshan dpal bzang po zhes gsol zhing / yang 'jam dbyangs sa lo tsA ba de nyid kyi drung du theg chen dbu ma lugs kyi sems bskyed kyang gsan nas/ rgyal ba'i sras po kun gyi gtsug gi nor bur gyur te/ de nas bdag nyid chen po 'dis sa skya lo tsA chen po de nyid kyi zhabs drung du/ bcom ldan 'das dges pa rdo rje'i dkyil 'khor du smin byed dbang gi chu bo lan grangs mang po zhig gsan nas rigs 'dzin sngags kyi sdom pas thugs rgyud bltams par mdzad cing / gzhan yang bdag nyid chen po sa lo thams cad mkhyen pa'i drung du bdag med lha mo bco lnga'i dbang dang / 'khor lo bde mchog lU nag dril gsum gyi dbang sogs smin byed dbang gi rnam grangs nyer bzhi tsam dang grol byed khrid kyi skor la/ gsung ngag rin po che lam 'bras bu dang bcas pa'i gdams ngag