[A:319a]su bcad pa'o/ /de dag gis ni 'od gsal lha'i gdung rabs bshad pa/ dri med 'khon gyi gdung rabs bshad pa/ lha rigs 'khon sa skya pa'i gdung rabs bshad pa/ de las gyes pa'i bla brang rnam bzhi'i gdung rabs bshad pa/ skabs su babs pa'i don gzhan bshad pa ste don tshan lnga yod pa'i nang gi dang po bzhi'i sgo nas dpal ldan sa skya pa'i gdung rabs rin po che byon pa'i tshul rgyas par bstan zin nas/ spyi don lnga pa skabs su babs pa'i don gzhan bshad pa ni/ sngar bshad pa'i gdung rabs rin po che de dag gi nang nas gdan sa chen po 'di nyid kyi gdan rabs ji ltar byon pa'i tshul de nyid bstan pa ste/ 'di la yang tshigs bcad kyi sgo nas mdor bstan pa dang / de'i don cung zad bshad pa gnyis las/ dang po ni thams cad mkhyen pa dkon mchog lhun grub kyi gdung rabs ya rabs kha rgyan las ji ltar gsungs pa dang / de nyid kyi kha skong cung zad dang bcas ston pa la/ 'khon ston dkon mchog rgyal po ba ri ba/ /sa skya'i bla chen slob dpon rtse mo dang / /rje btsun grags pa sa skya paNDi ta/ /chos rgyal 'phags pa slob dpon rin rgyal dang / /dharmA pa la shar pa 'jam dbyangs che/ /bdag nyid chen po mkhas btsun nam mkha' legs/ /'jam dbyangs don yod 'gro mgon bsod nams pa/ /ta dben blo rgyal ta dben kun rin pa/ /gzhi thog blo rgyal 'jam dbyangs nam rgyal dang / /kun dga' dbang phyug rgya dkar shes rab mtshan/ /blo gros rgyal mtshan 'jam dbyangs kun dga'i zhabs/ /ngag dbang kun rin 'jam dbyangs sku