[A:318b]tshogs kyis/ /bstan dang bstan 'dzin dgon gnas la sogs pa/ /kun kyang mtshan gyi lhag mar nye bar byas/ /de tshe sngags 'chang bla ma chos kyi rje/ /bsams bzhin skye ba bzhes pa'i sprul pa'i sku/ /ngag dbang kun dga' rin chen zhes grags pa'i/ /ngo mtshar rnam thar bsam yas de byon nas/ /gang la gang 'dul 'phrin las sna tshogs kyis/ /snang srid lha mi thams cad dbang bsdus nas/ /bstan dang bstan 'dzin dgon gnas gtsug lag khang / /dge 'dun 'du ba'i mdo sngags bshad grwa sogs/ /nyams pa gsos shing gsar du btsugs pa dang / /khyad par rigs kyi rgyal tshab sa skya pa'i/ /bstan pa'i rtsa ba gdung rigs bskrun pa sogs/ /ci mdzad bstan 'gro'i don la gcig gzhol bas/ /rgyal ba'i bstan dang 'gro la bde skyid gnyis/ /phan tshun 'gran pa bzhin du 'phel bar mdzad/ /de lta'i bstan pa'i rgyun bzang skyong ba la/ /kun gyi 'gran bral thub mchog dang po dang / /khyad par 'dzam gling mdzes pa'i rgyan gcig po/ /sngags 'chang rgyal ba'i rgyal tshab grags pa'i mtshan/ /gang gi mdzad spyod phyag bzhes dran pa'i tshe/ /mig nas mchi ma 'khrug cing gsol 'debs kyi/ /kun gyis mi mngon chos dbyings zab mo nas/ /mkhyen brtse nus ldan sngags 'chang yab sras gsum/ /bdag la 'du 'bral med pa thugs rjes skyobs/ /sa skya'i bstan dang dgon gnas gtsug lag khang / /rab tu rgyas shing de rgyun bskal pa'i bar/ /rigs brgyud rgyun mi chad pas skyong ba dang / /bdag cag dpon slob don kun lhun grub shog /bar skabs kyi tshigs