R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 319b
[A:319b]mched sogs/ /sngar byung dpal ldan sa skya'i gdan rabs yin/ /zhes so/
/gnyis pa de'i don cung zad bshad pa ni/ gong du ji skad bstan pa'i ngo mtshar gyi rnam thar du ma dang ldan pa'i skyes bu dam pa rim par byon pa de rnams kyi bsti gnas dam pa gdan sa chen po bod kyi rdo rje gdan dpal ldan sa skya zhes snyan pa'i ba dan dkar po srid rtse'i bar du legs par g.yo ba 'di nyid/ 'khon ston dkon mchog rgyal po dgu lo bzhi bcu bzhes pa chu mo glang gi lo 'gram btab cing / /de nas bzung ste chu pho rta'i bar lo sum cu tham pa 'khon ston nyid kyis dpal sa skya'i gdan sa mdzad la/
kha cig dgon gnas 'debs pa po nyid gdan sa par mi bgrang ba'i lugs snang na yang / 'dir ni mkhas pa'i dbang po dkon mchog lhun grub kyi gsung gi tshig 'grel gyi dbang du byas pa yin no/
/bdag nyid chen po de dgung lo nga dgur phebs pa na/ bla ma sa skya pa chen po sku bltams te dgung lo bcu gcig tu phebs pa chu mo lug nas brtsams/ lcags pho stag lo'i bar lo brgyad kyi ring la ba ri lo tsA ba chen po'i gdan sa mdzad cing / de'i rjes brtse chen kun dga' snying po dgung lo nyi shur phebs pa lcags mo yos nas bzung ste drug cu re bdun bzhes pa sa pho stag gi lo'i bar te/ lo grangs bzhi bcu zhe brgyad bla ma sa skya pa chen po kun dga' snying po nyid kyis gdan sa mdzad/ bla ma 'di dgung lo nga gcig tu phebs pa chu pho khyi lo slob dpon rin po che bsod nams rtse mo sku bltams shing / 'dis gdan sa lo gsum mdzad par bla ma dam pa'i dngos slob shes rab rdo rje pa'i gdung rabs las 'byung la/ stag tshang lo tsA bas lo nyer gsum gdan sa mdzad