[A:321a]ngo / /de ltar 'phags pa rin po ches lo gnyis gdan sa mdzad nas yang gong la phebs/ de'i bar lo dgu gcung rin chen rgyal mtshan gyis mdzad de/ slar yang chos kyi rgyal po 'phags pas me pho byi ba nas lcags pho 'brug gi bar lo lnga gdan sa mdzad nas/ de'i phyi lo lcags mo sbrul nas me mo phag gi bar lo bdun dharma pA la rakShi tas gdan sa mdzad cing / de nas bdag nyid chen pos gdan sa nam mdzad kyi bar la shar pa 'jam dbyangs chen pos gdan sa mdzad de/ /de yang sa pho byi ba nas me mo bya'i bar lo bcu mdzad/ de'i rjes su sa pho khyi nas shing pho byi ba'i bar lo nyi shu rtsa bdun bdag nyid chen po bzang po dpal gyis gdan sa mdzad pa yin par mus srad pas bshad cing / kho bos byas pa'i gdung rabs 'dir bdag nyid chen po'i rnam thar gyi skabs su shar pa 'jam dbyangs chen po dang / bdag nyid chen pos gdan sa mdzad pa'i lo grangs sogs ni shes rab rdo rje'i gdung rabs ltar bris pa yin no/ /de bas na dpal ldan sa skya spyi la dbang mdzad pa'i gdan rabs bcu gcig ste/ gdung brgyud rin po che brgyad dang / bu chen gsum yod pa'am/ yang dkar shAkya grags kyi gdan sa ma mdzad pa ltar na/ gdung brgyud brgyad dang gdung brgyud ma yin pa ba ri lo tsA ba dang / shar pa 'jam dbyangs rin chen rgyal mtshan te gnyis byon pas/ bla brang go bzhir ma gyes gong dpal ldan sa skya spyi la dbang ba'i gdan rabs bcu byung bar shes par bya zhing / yang slob dpon bsod rtse'i gdan sa ma mdzad pa ltar na/ gdung brgyud bdun las ma byung ba