[A:321b]nyid khas len dgos par snang ngo / /de nas bla brang go bzhir gyes te/ gzhi thog bla brang chen po mkhas btsun chen po sku mched kyis bskyangs/ rin chen sgang bla brang ta dben kun dga' nyi ma sku mched kyis bskyangs/ lha khang bla brang ti shrI kun dga' legs 'byung sku mched kyis bskyangs/ dus mchod bla brang dbang kun dga' legs pas skyong bar mdzad pas bla brang de bzhi la gdung brgyud bzhugs pa'i bla brang bzhi zhes grags la/ de nas re zhig gi bar gdan sa spyi la dbang bsgyur ba zhig gdung brgyud sus kyang ma mdzad rung / gzhi thog bla brang chen mor bzhugs shing tshogs chos gsung ba sogs gdan sa chen po'i mdzad pa khag che ba rnams mdzad pa po la gdan sa par bshad pa yin pas na/ bdag nyid chen po sku gshegs pa'i phyi lo shing mo glang gi lo mkhas btsun chen po dgung lo nyi shur phebs pa nas/ so dgu pa chu mo lug gi lo'i bar lo grangs bcu dgu gzhi thog pa mkhas btsun chen po nyid kyis gdan sa mdzad/ de nas 'jam dbyangs don yod rgyal mtshan gyis lo gsum tsam gdan sa mdzad la/ de'i rjes su dpal ldan bla ma dam pa bsod nams rgyal mtshan zhes mtshan yongs su grags pa de nyid kyis rje rang nyid dgung lo so gsum du phebs pa nas bzung yun mi ring tsam zhig gzhi thog gi gdan sa mdzad la/ de'i rjes nas lha khang bla brang ba'i gdung brgyud ta dben blo gros rgyal mtshan zhes bya bas lo bco brgyad kyi bar du gdan sa mdzad/ de nas ta dben kun dga' rin chen zhes bya bas dgung lo bcu phrag gnyis tsam bzhes pa nas bzung ste/ yun ring po'i bar du gdan sa