[A:324a]g.yengs te/ /lugs 'dis sngon byon gong ma'i gsung rab rnams/ /btang snyoms bzhugs pa mthong nas ngas 'di brtsams/ /'di sbyar dge bas bdag cag dpon slob rnams/ /dus 'dir tshe ring nad med bsam don 'grub/ sa skya'i sde dang bstan pa gdung brgyud bcas/ /yar ngo'i zla ltar 'phel zhing rab rgyas nas/ /nam zhig tshe 'di'i snang ba nub ma thag /kun kyang lhan cig bde ba can skyes nas/ /slar yang gang 'dul sprul pa sna tshogs kyis/ /srid mtha'i bar du bstan pa 'dzin par shog /bdag gi lhag bsam dag pa'i smon lam 'di/ /bslu med rtsa brgyud bla ma'i thugs rje yis/ /ji bzhin ma lus legs par 'grub gyur nas/ /rang gzhan 'di phyi'i don gnyis mthar phyin shog
Colophon
/ces 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung zhes bya ba 'di yang lhar bcas 'gro ba'i bla ma khams gsum chos kyi rgyal po grub pa'i 'khor los sgyur ba padma sambha wa'i rnam par sprul pa 'jam pa'i dbyangs bsod nams dbang po'i zhal snga nas dang / byang chub sems dpa' zhi ba 'tsho nyid slar yang mi'i zol gyi zlos gar bsgyur ba sbas pa'i sangs rgyas sngags 'chang grags pa blo gros/ rigs thams cad dang dkyil 'khor thams cad kyi khyab bdag drug pa rdo rje 'chang chen po dang dbyer ma mchis pa rgyal ba mus pa chen po sangs rgyas rgyal mtshan/ sprul pa'i sku spyan snga rin po che kun dga' don grub/ rje