[A:323b]gi thugs sras mthu stobs nus pa'i gter/ grub mchog ded dpon bsod nams dbang po dang / /'gran gyi do med 'dzam gling mdzes pa'i rgyan/ /sngags 'chang grags pa'i mtshan gyis bdag srungs shig /rtsa brgyud bla ma'i yon tan bkod pa'i gtam/ /ngo mtshar yid bzhin rin chen bang mdzod ltar/ /skal bzang don gnyer rnams la dgos 'dod kun/ /'bad med stsol ba'i bstan bcos 'di ngo mtshar/ /deng sang rmongs pa'i phrug gu phongs pa yi/ /'khor gyis bteg nas lha mi'i 'dren pa zhes/ /grag stong sgra yi rjes su rgyug 'di rnams/ /long bas long ba khrid dang mtshungs min nam/ /la la 'gran bral skyes bur khas blangs nas/ /rtsod med gong ma'i gzhung lugs rnams bor te/ /gsar byung chos la mtshar du 'dzin byed pa'i/ /dpon slob de kun bdud kyis ma bslad dam/ /dang por rigs rus cho 'brang phun sum tshogs/ /bar du lung rtogs yon tan mdzod bzung nas/ /tha mar ci mdzad bstan 'gro'i don gyur pa/ /sa skya'i gdung rabs rnams kyi khyad chos yin/ /de ltar drang po'i bden tshig smras pa la/ /dpyod ldan gzur gnas rnams kyis brtag bya yi/ /phyogs 'dzin dug chus bslad pa'i skye bo rnams/ /lan brgyar smod kyang ba spu g.yo re kan/ /sngon tshe sa skya'i bstan 'dzin bshes gnyen rnams/ /bka' drin mnyam med gdung rabs rin chen 'dis/ /rnam thar sems shing 'chad dang rtsom pa dang / /rtag tu yon tan brjod pas brel ba snyam/ /deng dus dpyod ldan rnams kyang 'dir dad mod/ /'on kyang don gzhan bya bas cher