[A:48a]pa/ /mtshan brjod bshad pa lugs rnam gnyis/ /de la sogs pa mang po zhig /bdag nyid chen po gnyis ka las/ /yang nas yang du lan mang thos/ /gsang ba nor bu'i thig le dang / /rdo rje sa 'og gsang ba rgyan/ /rdo rje snying po rgyan gyi rgyud/ /'di rnams bod du sngon ma 'gyur/ /bdag gis su ga shrI las/ /thos nas bsgyur zhing gtan la phab/ /ces bshad cing / gsan yig zhib par dngos grub brnyes pa'i slob dpon chen po lho pa kun mkhyen rin chen dpal gyis mdzad pa'i rnam par thar pa las shes par bya'o/ /gnyis pa 'bras dus su rig pa'i gnas lnga mkhyen pa'i rnam par thar pa la gnyis te/ shes bya ji snyed pa mkhyen pa'i rnam par thar pa dang / ji lta ba mkhyen pa'i rnam par thar pa'o/ /dang po ni/ bdag nyid chen po 'dis ni sku tshe dpag tu med pa'i sngon du mkhas shing grub pa brnyes pa'i bla ma dam pa mang du bsten nas/ shes bya kun la legs par sbyangs pas sku tshe 'dir rang gi ngang gis 'jug pa'i mkhyen rab phul du byung ba dang / sku tshe 'dir mkhas pa du ma bsten cing legs par sbyangs pa dang / lhag pa'i lha yis rjes su bzung bas shes bya kun la thogs pa med pa'i mkhyen pa mnga' zhing / sngar smos pa'i chos kyi rnam grangs de dag kyang phal cher ni lan re dang / shin tu dka' ba rnams kyang zung re gsan pas mkhyen pa yin te/ nyid kyi gsung las/ sgra pa nga yin rtog ge pa nga smra ba ngan 'joms nga 'dra med/ /sdeb sbyor nga mkhas snyan ngag nga nyid mngon brjod 'chad la 'gran med nga / /dus sbyor ngas